פסוקים על Holy Boldness

23 פסוקים · 30 היבטים

פסוקי מפתח

בְּרֵאשִׁית י״ח:כ״ב
ויפנו משם האנשים וילכו סדמה ואברהם עודנו עמד לפני יהוה׃
בְּרֵאשִׁית י״ח:כ״ג
ויגש אברהם ויאמר האף תספה צדיק עם רשע׃
בְּרֵאשִׁית י״ח:כ״ד
אולי יש חמשים צדיקם בתוך העיר האף תספה ולא תשא למקום למען חמשים הצדיקם אשר בקרבה׃
בְּרֵאשִׁית י״ח:כ״ה
חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃
בְּרֵאשִׁית י״ח:כ״ו
ויאמר יהוה אם אמצא בסדם חמשים צדיקם בתוך העיר ונשאתי לכל המקום בעבורם׃
בְּרֵאשִׁית י״ח:כ״ז
ויען אברהם ויאמר הנה נא הואלתי לדבר אל אדני ואנכי עפר ואפר׃
בְּרֵאשִׁית י״ח:כ״ח
אולי יחסרון חמשים הצדיקם חמשה התשחית בחמשה את כל העיר ויאמר לא אשחית אם אמצא שם ארבעים וחמשה׃
בְּרֵאשִׁית י״ח:כ״ט
ויסף עוד לדבר אליו ויאמר אולי ימצאון שם ארבעים ויאמר לא אעשה בעבור הארבעים׃
בְּרֵאשִׁית י״ח:ל׳
ויאמר אל נא יחר לאדני ואדברה אולי ימצאון שם שלשים ויאמר לא אעשה אם אמצא שם שלשים׃
בְּרֵאשִׁית י״ח:ל״א
ויאמר הנה נא הואלתי לדבר אל אדני אולי ימצאון שם עשרים ויאמר לא אשחית בעבור העשרים׃
בְּרֵאשִׁית י״ח:ל״ב
ויאמר אל נא יחר לאדני ואדברה אך הפעם אולי ימצאון שם עשרה ויאמר לא אשחית בעבור העשרה׃
בְּרֵאשִׁית ל״ב:כ״ד
ויותר יעקב לבדו ויאבק איש עמו עד עלות השחר׃
בְּרֵאשִׁית ל״ב:כ״ה
וירא כי לא יכל לו ויגע בכף ירכו ותקע כף ירך יעקב בהאבקו עמו׃
בְּרֵאשִׁית ל״ב:כ״ו
ויאמר שלחני כי עלה השחר ויאמר לא אשלחך כי אם ברכתני׃
בְּרֵאשִׁית ל״ב:כ״ז
ויאמר אליו מה שמך ויאמר יעקב׃
בְּרֵאשִׁית ל״ב:כ״ח
ויאמר לא יעקב יאמר עוד שמך כי אם ישראל כי שרית עם אלהים ועם אנשים ותוכל׃
בְּרֵאשִׁית ל״ב:כ״ט
וישאל יעקב ויאמר הגידה נא שמך ויאמר למה זה תשאל לשמי ויברך אתו שם׃
מַעֲשֵׂי הַשְּׁלִיחִים ד׳:ח׳
וימלא פטרוס רוח הקדש ויאמר אליהם אתם ראשי העם וזקני ישראל׃
מַעֲשֵׂי הַשְּׁלִיחִים ד׳:ט׳
אם אנחנו נחקרים היום על הטובה אשר עשינו לאיש חולה ושאלתם במה זה נושע׃
מַעֲשֵׂי הַשְּׁלִיחִים ד׳:י׳
יודע לכלכם ולכל עם ישראל כי בשם ישוע המשיח הנצרי אשר צלבתם אותו ואשר האלהים הקימו מן המתים כי בשמו עמד זה לפניכם בריא׃
מַעֲשֵׂי הַשְּׁלִיחִים ד׳:י״א
והוא האבן אשר מאסתם אתם הבונים ותהי לראש פנה׃
מַעֲשֵׂי הַשְּׁלִיחִים ד׳:י״ב
ואין הישועה באחר ואין תחת השמים שם אחר הנתן לבני אדם אשר בו נושע׃
מַעֲשֵׂי הַשְּׁלִיחִים ד׳:י״ג
ויהי כאשר ראו את בטחון לב של פטרוס ויוחנן והבינו כי הדיוטים ולא בעלי חכמה המה ויתמהו עליהם ויכירום כי התהלכו עם ישוע׃