פסוקים על High Places: Licentious practices at

20 פסוקים · 43 היבטים

פסוקים על Licentious practices at

יְחֶזְקֵאל ט״ז:כ״ד
ותבני לך גב ותעשי לך רמה בכל רחוב׃
יְחֶזְקֵאל ט״ז:כ״ה
אל כל ראש דרך בנית רמתך ותתעבי את יפיך ותפשקי את רגליך לכל עובר ותרבי את תזנתך׃
יְחֶזְקֵאל ט״ז:כ״ו
ותזני אל בני מצרים שכניך גדלי בשר ותרבי את תזנתך להכעיסני׃
יְחֶזְקֵאל ט״ז:כ״ז
והנה נטיתי ידי עליך ואגרע חקך ואתנך בנפש שנאותיך בנות פלשתים הנכלמות מדרכך זמה׃
יְחֶזְקֵאל ט״ז:כ״ח
ותזני אל בני אשור מבלתי שבעתך ותזנים וגם לא שבעת׃
יְחֶזְקֵאל ט״ז:כ״ט
ותרבי את תזנותך אל ארץ כנען כשדימה וגם בזאת לא שבעת׃
יְחֶזְקֵאל ט״ז:ל׳
מה אמלה לבתך נאם אדני יהוה בעשותך את כל אלה מעשה אשה זונה שלטת׃
יְחֶזְקֵאל ט״ז:ל״א
בבנותיך גבך בראש כל דרך ורמתך עשיתי בכל רחוב ולא הייתי כזונה לקלס אתנן׃
יְחֶזְקֵאל ט״ז:ל״ב
האשה המנאפת תחת אישה תקח את זרים׃
יְחֶזְקֵאל ט״ז:ל״ג
לכל זנות יתנו נדה ואת נתת את נדניך לכל מאהביך ותשחדי אותם לבוא אליך מסביב בתזנותיך׃
יְחֶזְקֵאל ט״ז:ל״ד
ויהי בך הפך מן הנשים בתזנותיך ואחריך לא זונה ובתתך אתנן ואתנן לא נתן לך ותהי להפך׃
יְחֶזְקֵאל ט״ז:ל״ה
לכן זונה שמעי דבר יהוה׃
יְחֶזְקֵאל ט״ז:ל״ו
כה אמר אדני יהוה יען השפך נחשתך ותגלה ערותך בתזנותיך על מאהביך ועל כל גלולי תועבותיך וכדמי בניך אשר נתת להם׃
יְחֶזְקֵאל ט״ז:ל״ז
לכן הנני מקבץ את כל מאהביך אשר ערבת עליהם ואת כל אשר אהבת על כל אשר שנאת וקבצתי אתם עליך מסביב וגליתי ערותך אלהם וראו את כל ערותך׃
יְחֶזְקֵאל ט״ז:ל״ח
ושפטתיך משפטי נאפות ושפכת דם ונתתיך דם חמה וקנאה׃
יְחֶזְקֵאל ט״ז:ל״ט
ונתתי אותך בידם והרסו גבך ונתצו רמתיך והפשיטו אותך בגדיך ולקחו כלי תפארתך והניחוך עירם ועריה׃
יְחֶזְקֵאל ט״ז:מ׳
והעלו עליך קהל ורגמו אותך באבן ובתקוך בחרבותם׃
יְחֶזְקֵאל ט״ז:מ״א
ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עוד׃
יְחֶזְקֵאל ט״ז:מ״ב
והנחתי חמתי בך וסרה קנאתי ממך ושקטתי ולא אכעס עוד׃
יְחֶזְקֵאל ט״ז:מ״ג
יען אשר לא זכרתי את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי את הזמה על כל תועבתיך׃