פסוקים על High Places

21 פסוקים · 43 היבטים

פסוקי מפתח

  1. יְחֶזְקֵאל ט״ז:כ״ג

    ויהי אחרי כל רעתך אוי אוי לך נאם אדני יהוה׃

  2. יְחֶזְקֵאל ט״ז:כ״ד

    ותבני לך גב ותעשי לך רמה בכל רחוב׃

  3. יְחֶזְקֵאל ט״ז:כ״ה

    אל כל ראש דרך בנית רמתך ותתעבי את יפיך ותפשקי את רגליך לכל עובר ותרבי את תזנתך׃

  4. יְחֶזְקֵאל ט״ז:כ״ו

    ותזני אל בני מצרים שכניך גדלי בשר ותרבי את תזנתך להכעיסני׃

  5. יְחֶזְקֵאל ט״ז:כ״ז

    והנה נטיתי ידי עליך ואגרע חקך ואתנך בנפש שנאותיך בנות פלשתים הנכלמות מדרכך זמה׃

  6. יְחֶזְקֵאל ט״ז:כ״ח

    ותזני אל בני אשור מבלתי שבעתך ותזנים וגם לא שבעת׃

  7. יְחֶזְקֵאל ט״ז:כ״ט

    ותרבי את תזנותך אל ארץ כנען כשדימה וגם בזאת לא שבעת׃

  8. יְחֶזְקֵאל ט״ז:ל׳

    מה אמלה לבתך נאם אדני יהוה בעשותך את כל אלה מעשה אשה זונה שלטת׃

  9. יְחֶזְקֵאל ט״ז:ל״א

    בבנותיך גבך בראש כל דרך ורמתך עשיתי בכל רחוב ולא הייתי כזונה לקלס אתנן׃

  10. יְחֶזְקֵאל ט״ז:ל״ב

    האשה המנאפת תחת אישה תקח את זרים׃

  11. יְחֶזְקֵאל ט״ז:ל״ג

    לכל זנות יתנו נדה ואת נתת את נדניך לכל מאהביך ותשחדי אותם לבוא אליך מסביב בתזנותיך׃

  12. יְחֶזְקֵאל ט״ז:ל״ד

    ויהי בך הפך מן הנשים בתזנותיך ואחריך לא זונה ובתתך אתנן ואתנן לא נתן לך ותהי להפך׃

  13. יְחֶזְקֵאל ט״ז:ל״ה

    לכן זונה שמעי דבר יהוה׃

  14. יְחֶזְקֵאל ט״ז:ל״ו

    כה אמר אדני יהוה יען השפך נחשתך ותגלה ערותך בתזנותיך על מאהביך ועל כל גלולי תועבותיך וכדמי בניך אשר נתת להם׃

  15. יְחֶזְקֵאל ט״ז:ל״ז

    לכן הנני מקבץ את כל מאהביך אשר ערבת עליהם ואת כל אשר אהבת על כל אשר שנאת וקבצתי אתם עליך מסביב וגליתי ערותך אלהם וראו את כל ערותך׃

  16. יְחֶזְקֵאל ט״ז:ל״ח

    ושפטתיך משפטי נאפות ושפכת דם ונתתיך דם חמה וקנאה׃

  17. יְחֶזְקֵאל ט״ז:ל״ט

    ונתתי אותך בידם והרסו גבך ונתצו רמתיך והפשיטו אותך בגדיך ולקחו כלי תפארתך והניחוך עירם ועריה׃

  18. יְחֶזְקֵאל ט״ז:מ׳

    והעלו עליך קהל ורגמו אותך באבן ובתקוך בחרבותם׃

  19. יְחֶזְקֵאל ט״ז:מ״א

    ושרפו בתיך באש ועשו בך שפטים לעיני נשים רבות והשבתיך מזונה וגם אתנן לא תתני עוד׃

  20. יְחֶזְקֵאל ט״ז:מ״ב

    והנחתי חמתי בך וסרה קנאתי ממך ושקטתי ולא אכעס עוד׃

  21. יְחֶזְקֵאל ט״ז:מ״ג

    יען אשר לא זכרתי את ימי נעוריך ותרגזי לי בכל אלה וגם אני הא דרכך בראש נתתי נאם אדני יהוה ולא עשיתי את הזמה על כל תועבתיך׃