פסוקים על Heshbon

18 פסוקים · 5 היבטים

פסוקי מפתח

בְּמִדְבַּר כ״א:כ״ה
ויקח ישראל את כל הערים האלה וישב ישראל בכל ערי האמרי בחשבון ובכל בנתיה׃
בְּמִדְבַּר כ״א:כ״ו
כי חשבון עיר סיחן מלך האמרי הוא והוא נלחם במלך מואב הראשון ויקח את כל ארצו מידו עד ארנן׃
בְּמִדְבַּר כ״א:כ״ז
על כן יאמרו המשלים באו חשבון תבנה ותכונן עיר סיחון׃
בְּמִדְבַּר כ״א:כ״ח
כי אש יצאה מחשבון להבה מקרית סיחן אכלה ער מואב בעלי במות ארנן׃
בְּמִדְבַּר כ״א:כ״ט
אוי לך מואב אבדת עם כמוש נתן בניו פליטם ובנתיו בשבית למלך אמרי סיחון׃
בְּמִדְבַּר כ״א:ל׳
ונירם אבד חשבון עד דיבון ונשים עד נפח אשר עד מידבא׃
בְּמִדְבַּר כ״א:ל״א
וישב ישראל בארץ האמרי׃
בְּמִדְבַּר כ״א:ל״ב
וישלח משה לרגל את יעזר וילכדו בנתיה ויירש את האמרי אשר שם׃
בְּמִדְבַּר כ״א:ל״ג
ויפנו ויעלו דרך הבשן ויצא עוג מלך הבשן לקראתם הוא וכל עמו למלחמה אדרעי׃
בְּמִדְבַּר כ״א:ל״ד
ויאמר יהוה אל משה אל תירא אתו כי בידך נתתי אתו ואת כל עמו ואת ארצו ועשית לו כאשר עשית לסיחן מלך האמרי אשר יושב בחשבון׃
בְּמִדְבַּר כ״א:ל״ה
ויכו אתו ואת בניו ואת כל עמו עד בלתי השאיר לו שריד ויירשו את ארצו׃
יְהוֹשֻעַ כ״א:ל״ח
וממטה גד את עיר מקלט הרצח את רמת בגלעד ואת מגרשה ואת מחנים ואת מגרשה׃
יְהוֹשֻעַ כ״א:ל״ט
את חשבון ואת מגרשה את יעזר ואת מגרשה כל ערים ארבע׃
יִרְמְיָהוּ מ״ח:ל״ד
מזעקת חשבון עד אלעלה עד יהץ נתנו קולם מצער עד חרנים עגלת שלשיה כי גם מי נמרים למשמות יהיו׃
יִרְמְיָהוּ מ״ח:ל״ה
והשבתי למואב נאם יהוה מעלה במה ומקטיר לאלהיו׃
יִרְמְיָהוּ מ״ט:א׳
¶ לבני עמון כה אמר יהוה הבנים אין לישראל אם יורש אין לו מדוע ירש מלכם את גד ועמו בעריו ישב׃
יִרְמְיָהוּ מ״ט:ב׳
לכן הנה ימים באים נאם יהוה והשמעתי אל רבת בני עמון תרועת מלחמה והיתה לתל שממה ובנתיה באש תצתנה וירש ישראל את ירשיו אמר יהוה׃
יִרְמְיָהוּ מ״ט:ג׳
הילילי חשבון כי שדדה עי צעקנה בנות רבה חגרנה שקים ספדנה והתשוטטנה בגדרות כי מלכם בגולה ילך כהניו ושריו יחדיו׃