פסוקים על Geshur

14 פסוקים · 4 היבטים

פסוקי מפתח

  1. יְהוֹשֻעַ י״ג:ב׳

    זאת הארץ הנשארת כל גלילות הפלשתים וכל הגשורי׃

  2. יְהוֹשֻעַ י״ג:ג׳

    מן השיחור אשר על פני מצרים ועד גבול עקרון צפונה לכנעני תחשב חמשת סרני פלשתים העזתי והאשדודי האשקלוני הגתי והעקרוני והעוים׃

  3. יְהוֹשֻעַ י״ג:ד׳

    מתימן כל ארץ הכנעני ומערה אשר לצידנים עד אפקה עד גבול האמרי׃

  4. יְהוֹשֻעַ י״ג:ה׳

    והארץ הגבלי וכל הלבנון מזרח השמש מבעל גד תחת הר חרמון עד לבוא חמת׃

  5. יְהוֹשֻעַ י״ג:ו׳

    כל ישבי ההר מן הלבנון עד משרפת מים כל צידנים אנכי אורישם מפני בני ישראל רק הפלה לישראל בנחלה כאשר צויתיך׃

  6. יְהוֹשֻעַ י״ג:ז׳

    ועתה חלק את הארץ הזאת בנחלה לתשעת השבטים וחצי השבט המנשה׃

  7. יְהוֹשֻעַ י״ג:ח׳

    עמו הראובני והגדי לקחו נחלתם אשר נתן להם משה בעבר הירדן מזרחה כאשר נתן להם משה עבד יהוה׃

  8. יְהוֹשֻעַ י״ג:ט׳

    מערוער אשר על שפת נחל ארנון והעיר אשר בתוך הנחל וכל המישר מידבא עד דיבון׃

  9. יְהוֹשֻעַ י״ג:י׳

    וכל ערי סיחון מלך האמרי אשר מלך בחשבון עד גבול בני עמון׃

  10. יְהוֹשֻעַ י״ג:י״א

    והגלעד וגבול הגשורי והמעכתי וכל הר חרמון וכל הבשן עד סלכה׃

  11. יְהוֹשֻעַ י״ג:י״ב

    כל ממלכות עוג בבשן אשר מלך בעשתרות ובאדרעי הוא נשאר מיתר הרפאים ויכם משה וירשם׃

  12. יְהוֹשֻעַ י״ג:י״ג

    ולא הורישו בני ישראל את הגשורי ואת המעכתי וישב גשור ומעכת בקרב ישראל עד היום הזה׃

  13. 2 שְׁמוּאֵל י״ג:ל״ז

    ואבשלום ברח וילך אל תלמי בן עמיחור מלך גשור ויתאבל על בנו כל הימים׃

  14. 2 שְׁמוּאֵל י״ג:ל״ח

    ואבשלום ברח וילך גשור ויהי שם שלש שנים׃