פסוקים על Dishonesty

44 פסוקים · 1 היבט

פסוקי מפתח

וַיִּקְרָא ו׳:ב׳
נפש כי תחטא ומעלה מעל ביהוה וכחש בעמיתו בפקדון או בתשומת יד או בגזל או עשק את עמיתו׃
וַיִּקְרָא ו׳:ג׳
או מצא אבדה וכחש בה ונשבע על שקר על אחת מכל אשר יעשה האדם לחטא בהנה׃
וַיִּקְרָא ו׳:ד׳
והיה כי יחטא ואשם והשיב את הגזלה אשר גזל או את העשק אשר עשק או את הפקדון אשר הפקד אתו או את האבדה אשר מצא׃
וַיִּקְרָא ו׳:ה׳
או מכל אשר ישבע עליו לשקר ושלם אתו בראשו וחמשתיו יסף עליו לאשר הוא לו יתננו ביום אשמתו׃
וַיִּקְרָא ו׳:ו׳
ואת אשמו יביא ליהוה איל תמים מן הצאן בערכך לאשם אל הכהן׃
וַיִּקְרָא ו׳:ז׳
וכפר עליו הכהן לפני יהוה ונסלח לו על אחת מכל אשר יעשה לאשמה בה׃
וַיִּקְרָא י״ט:ל״ה
לא תעשו עול במשפט במדה במשקל ובמשורה׃
וַיִּקְרָא י״ט:ל״ו
מאזני צדק אבני צדק איפת צדק והין צדק יהיה לכם אני יהוה אלהיכם אשר הוצאתי אתכם מארץ מצרים׃
דְּבָרִים כ״ה:י״ג
לא יהיה לך בכיסך אבן ואבן גדולה וקטנה׃
דְּבָרִים כ״ה:י״ד
לא יהיה לך בביתך איפה ואיפה גדולה וקטנה׃
דְּבָרִים כ״ה:ט״ו
אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר יהוה אלהיך נתן לך׃
דְּבָרִים כ״ה:ט״ז
כי תועבת יהוה אלהיך כל עשה אלה כל עשה עול׃
אִיּוֹב כ״ד:ב׳
גבלות ישיגו עדר גזלו וירעו׃
אִיּוֹב כ״ד:ג׳
חמור יתומים ינהגו יחבלו שור אלמנה׃
אִיּוֹב כ״ד:ד׳
יטו אביונים מדרך יחד חבאו עניי ארץ׃
אִיּוֹב כ״ד:ה׳
הן פראים במדבר יצאו בפעלם משחרי לטרף ערבה לו לחם לנערים׃
אִיּוֹב כ״ד:ו׳
בשדה בלילו יקצירו וכרם רשע ילקשו׃
אִיּוֹב כ״ד:ז׳
ערום ילינו מבלי לבוש ואין כסות בקרה׃
אִיּוֹב כ״ד:ח׳
מזרם הרים ירטבו ומבלי מחסה חבקו צור׃
אִיּוֹב כ״ד:ט׳
יגזלו משד יתום ועל עני יחבלו׃
אִיּוֹב כ״ד:י׳
ערום הלכו בלי לבוש ורעבים נשאו עמר׃
אִיּוֹב כ״ד:י״א
בין שורתם יצהירו יקבים דרכו ויצמאו׃
מִשְׁלֵי ג׳:כ״ז
אל תמנע טוב מבעליו בהיות לאל ידיך לעשות׃
מִשְׁלֵי ג׳:כ״ח
אל תאמר לרעיך לך ושוב ומחר אתן ויש אתך׃
יִרְמְיָהוּ ז׳:ח׳
הנה אתם בטחים לכם על דברי השקר לבלתי הועיל׃

מציג 1–25 מתוך 44 פסוקים

1 2 הבא