פסוקים על Curtains

21 פסוקים · 3 היבטים

פסוקי מפתח

  1. שְׁמֹות כ״ז:ט׳

    ועשית את חצר המשכן לפאת נגב תימנה קלעים לחצר שש משזר מאה באמה ארך לפאה האחת׃

  2. שְׁמֹות כ״ז:י׳

    ועמדיו עשרים ואדניהם עשרים נחשת ווי העמדים וחשקיהם כסף׃

  3. שְׁמֹות כ״ז:י״א

    וכן לפאת צפון בארך קלעים מאה ארך ועמדו עשרים ואדניהם עשרים נחשת ווי העמדים וחשקיהם כסף׃

  4. שְׁמֹות כ״ז:י״ב

    ורחב החצר לפאת ים קלעים חמשים אמה עמדיהם עשרה ואדניהם עשרה׃

  5. שְׁמֹות כ״ז:י״ג

    ורחב החצר לפאת קדמה מזרחה חמשים אמה׃

  6. שְׁמֹות כ״ז:י״ד

    וחמש עשרה אמה קלעים לכתף עמדיהם שלשה ואדניהם שלשה׃

  7. שְׁמֹות כ״ז:ט״ו

    ולכתף השנית חמש עשרה קלעים עמדיהם שלשה ואדניהם שלשה׃

  8. שְׁמֹות כ״ז:ט״ז

    ולשער החצר מסך עשרים אמה תכלת וארגמן ותולעת שני ושש משזר מעשה רקם עמדיהם ארבעה ואדניהם ארבעה׃

  9. שְׁמֹות כ״ז:י״ז

    כל עמודי החצר סביב מחשקים כסף וויהם כסף ואדניהם נחשת׃

  10. שְׁמֹות כ״ז:י״ח

    ארך החצר מאה באמה ורחב חמשים בחמשים וקמה חמש אמות שש משזר ואדניהם נחשת׃

  11. שְׁמֹות ל״ו:ח׳

    ויעשו כל חכם לב בעשי המלאכה את המשכן עשר יריעת שש משזר ותכלת וארגמן ותולעת שני כרבים מעשה חשב עשה אתם׃

  12. שְׁמֹות ל״ו:ט׳

    ארך היריעה האחת שמנה ועשרים באמה ורחב ארבע באמה היריעה האחת מדה אחת לכל היריעת׃

  13. שְׁמֹות ל״ו:י׳

    ויחבר את חמש היריעת אחת אל אחת וחמש יריעת חבר אחת אל אחת׃

  14. שְׁמֹות ל״ו:י״א

    ויעש ללאת תכלת על שפת היריעה האחת מקצה במחברת כן עשה בשפת היריעה הקיצונה במחברת השנית׃

  15. שְׁמֹות ל״ו:י״ב

    חמשים ללאת עשה ביריעה האחת וחמשים ללאת עשה בקצה היריעה אשר במחברת השנית מקבילת הללאת אחת אל אחת׃

  16. שְׁמֹות ל״ו:י״ג

    ויעש חמשים קרסי זהב ויחבר את הירעת אחת אל אחת בקרסים ויהי המשכן אחד׃

  17. שְׁמֹות ל״ו:י״ד

    ויעש יריעת עזים לאהל על המשכן עשתי עשרה יריעת עשה אתם׃

  18. שְׁמֹות ל״ו:ט״ו

    ארך היריעה האחת שלשים באמה וארבע אמות רחב היריעה האחת מדה אחת לעשתי עשרה יריעת׃

  19. שְׁמֹות ל״ו:ט״ז

    ויחבר את חמש היריעת לבד ואת שש היריעת לבד׃

  20. שְׁמֹות ל״ו:י״ז

    ויעש ללאת חמשים על שפת היריעה הקיצנה במחברת וחמשים ללאת עשה על שפת היריעה החברת השנית׃

  21. שְׁמֹות ל״ו:י״ח

    ויעש קרסי נחשת חמשים לחבר את האהל להית אחד׃