פסוקים על Babylon

186 פסוקים · 73 היבטים

פסוקי מפתח

סינון לפי ספר
  1. יְשַׁעְיָהוּ כ״א:ו׳

    כי כה אמר אלי אדני לך העמד המצפה אשר יראה יגיד׃

  2. יְשַׁעְיָהוּ כ״א:ז׳

    וראה רכב צמד פרשים רכב חמור רכב גמל והקשיב קשב רב קשב׃

  3. יְשַׁעְיָהוּ כ״א:ח׳

    ויקרא אריה על מצפה אדני אנכי עמד תמיד יומם ועל משמרתי אנכי נצב כל הלילות׃

  4. יְשַׁעְיָהוּ כ״א:ט׳

    והנה זה בא רכב איש צמד פרשים ויען ויאמר נפלה נפלה בבל וכל פסילי אלהיה שבר לארץ׃

  5. יְשַׁעְיָהוּ כ״א:י׳

    מדשתי ובן גרני אשר שמעתי מאת יהוה צבאות אלהי ישראל הגדתי לכם׃

  6. יְשַׁעְיָהוּ מ״ז:א׳

    ¶ רדי ושבי על עפר בתולת בת בבל שבי לארץ אין כסא בת כשדים כי לא תוסיפי יקראו לך רכה וענגה׃

  7. יְשַׁעְיָהוּ מ״ז:ב׳

    קחי רחים וטחני קמח גלי צמתך חשפי שבל גלי שוק עברי נהרות׃

  8. יְשַׁעְיָהוּ מ״ז:ג׳

    תגל ערותך גם תראה חרפתך נקם אקח ולא אפגע אדם׃

  9. יְשַׁעְיָהוּ מ״ז:ד׳

    גאלנו יהוה צבאות שמו קדוש ישראל׃

  10. יְשַׁעְיָהוּ מ״ז:ה׳

    שבי דומם ובאי בחשך בת כשדים כי לא תוסיפי יקראו לך גברת ממלכות׃

  11. יְשַׁעְיָהוּ מ״ז:ו׳

    קצפתי על עמי חללתי נחלתי ואתנם בידך לא שמת להם רחמים על זקן הכבדת עלך מאד׃

  12. יְשַׁעְיָהוּ מ״ז:ז׳

    ותאמרי לעולם אהיה גברת עד לא שמת אלה על לבך לא זכרת אחריתה׃

  13. יְשַׁעְיָהוּ מ״ז:ח׳

    ועתה שמעי זאת עדינה היושבת לבטח האמרה בלבבה אני ואפסי עוד לא אשב אלמנה ולא אדע שכול׃

  14. יְשַׁעְיָהוּ מ״ז:ט׳

    ותבאנה לך שתי אלה רגע ביום אחד שכול ואלמן כתמם באו עליך ברב כשפיך בעצמת חבריך מאד׃

  15. יְשַׁעְיָהוּ מ״ז:י׳

    ותבטחי ברעתך אמרת אין ראני חכמתך ודעתך היא שובבתך ותאמרי בלבך אני ואפסי עוד׃

  16. יְשַׁעְיָהוּ מ״ז:י״א

    ובא עליך רעה לא תדעי שחרה ותפל עליך הוה לא תוכלי כפרה ותבא עליך פתאם שואה לא תדעי׃

  17. יְשַׁעְיָהוּ מ״ז:י״ב

    עמדי נא בחבריך וברב כשפיך באשר יגעת מנעוריך אולי תוכלי הועיל אולי תערוצי׃

  18. יְשַׁעְיָהוּ מ״ז:י״ג

    נלאית ברב עצתיך יעמדו נא ויושיעך הברו שמים החזים בכוכבים מודיעם לחדשים מאשר יבאו עליך׃

  19. יְשַׁעְיָהוּ מ״ז:י״ד

    הנה היו כקש אש שרפתם לא יצילו את נפשם מיד להבה אין גחלת לחמם אור לשבת נגדו׃

  20. יְשַׁעְיָהוּ מ״ז:ט״ו

    כן היו לך אשר יגעת סחריך מנעוריך איש לעברו תעו אין מושיעך׃

  21. יִרְמְיָהוּ כ׳:ד׳

    כי כה אמר יהוה הנני נתנך למגור לך ולכל אהביך ונפלו בחרב איביהם ועיניך ראות ואת כל יהודה אתן ביד מלך בבל והגלם בבלה והכם בחרב׃

  22. יִרְמְיָהוּ כ׳:ה׳

    ונתתי את כל חסן העיר הזאת ואת כל יגיעה ואת כל יקרה ואת כל אוצרות מלכי יהודה אתן ביד איביהם ובזזום ולקחום והביאום בבלה׃

  23. יִרְמְיָהוּ כ׳:ו׳

    ואתה פשחור וכל ישבי ביתך תלכו בשבי ובבל תבוא ושם תמות ושם תקבר אתה וכל אהביך אשר נבאת להם בשקר׃

  24. יִרְמְיָהוּ כ״א:ג׳

    ויאמר ירמיהו אליהם כה תאמרן אל צדקיהו׃

  25. יִרְמְיָהוּ כ״א:ד׳

    כה אמר יהוה אלהי ישראל הנני מסב את כלי המלחמה אשר בידכם אשר אתם נלחמים בם את מלך בבל ואת הכשדים הצרים עליכם מחוץ לחומה ואספתי אותם אל תוך העיר הזאת׃