פסוקים על Abijam

12 פסוקים · 3 היבטים

פסוקי מפתח

  1. 1 מְלָכִים י״ד:ל״א

    וישכב רחבעם עם אבתיו ויקבר עם אבתיו בעיר דוד ושם אמו נעמה העמנית וימלך אבים בנו תחתיו׃

  2. 1 מְלָכִים ט״ו:א׳

    ¶ ובשנת שמנה עשרה למלך ירבעם בן נבט מלך אבים על יהודה׃

  3. 1 מְלָכִים ט״ו:ב׳

    שלש שנים מלך בירושלם ושם אמו מעכה בת אבישלום׃

  4. 1 מְלָכִים ט״ו:ג׳

    וילך בכל חטאות אביו אשר עשה לפניו ולא היה לבבו שלם עם יהוה אלהיו כלבב דוד אביו׃

  5. 1 מְלָכִים ט״ו:ד׳

    כי למען דוד נתן יהוה אלהיו לו ניר בירושלם להקים את בנו אחריו ולהעמיד את ירושלם׃

  6. 1 מְלָכִים ט״ו:ה׳

    אשר עשה דוד את הישר בעיני יהוה ולא סר מכל אשר צוהו כל ימי חייו רק בדבר אוריה החתי׃

  7. 1 מְלָכִים ט״ו:ו׳

    ומלחמה היתה בין רחבעם ובין ירבעם כל ימי חייו׃

  8. 1 מְלָכִים ט״ו:ז׳

    ויתר דברי אבים וכל אשר עשה הלוא הם כתובים על ספר דברי הימים למלכי יהודה ומלחמה היתה בין אבים ובין ירבעם׃

  9. 1 מְלָכִים ט״ו:ח׳

    וישכב אבים עם אבתיו ויקברו אתו בעיר דוד וימלך אסא בנו תחתיו׃

  10. 2 דִּבְרֵי הַיָּמִים י״א:כ״ב

    ויעמד לראש רחבעם את אביה בן מעכה לנגיד באחיו כי להמליכו׃

  11. 2 דִּבְרֵי הַיָּמִים י״ב:ט״ז

    וישכב רחבעם עם אבתיו ויקבר בעיר דויד וימלך אביה בנו תחתיו׃

  12. 2 דִּבְרֵי הַיָּמִים י״ד:א׳

    ¶ וישכב אביה עם אבתיו ויקברו אתו בעיר דויד וימלך אסא בנו תחתיו בימיו שקטה הארץ עשר שנים׃