Samson

38 פסוקים · 2 בני משפחה

פסוקים המזכירים את Samson

סינון לפי ספר
  1. שֹׁפְטִים ט״ז:י׳

    ותאמר דלילה אל שמשון הנה התלת בי ותדבר אלי כזבים עתה הגידה נא לי במה תאסר׃

  2. שֹׁפְטִים ט״ז:י״ב

    ותקח דלילה עבתים חדשים ותאסרהו בהם ותאמר אליו פלשתים עליך שמשון והארב ישב בחדר וינתקם מעל זרעתיו כחוט׃

  3. שֹׁפְטִים ט״ז:י״ג

    ותאמר דלילה אל שמשון עד הנה התלת בי ותדבר אלי כזבים הגידה לי במה תאסר ויאמר אליה אם תארגי את שבע מחלפות ראשי עם המסכת׃

  4. שֹׁפְטִים ט״ז:י״ד

    ותתקע ביתד ותאמר אליו פלשתים עליך שמשון וייקץ משנתו ויסע את היתד הארג ואת המסכת׃

  5. שֹׁפְטִים ט״ז:כ׳

    ותאמר פלשתים עליך שמשון ויקץ משנתו ויאמר אצא כפעם בפעם ואנער והוא לא ידע כי יהוה סר מעליו׃

  6. שֹׁפְטִים ט״ז:כ״ג

    וסרני פלשתים נאספו לזבח זבח גדול לדגון אלהיהם ולשמחה ויאמרו נתן אלהינו בידנו את שמשון אויבינו׃

  7. שֹׁפְטִים ט״ז:כ״ה

    ויהי כי טוב לבם ויאמרו קראו לשמשון וישחק לנו ויקראו לשמשון מבית האסירים ויצחק לפניהם ויעמידו אותו בין העמודים׃

  8. שֹׁפְטִים ט״ז:כ״ו

    ויאמר שמשון אל הנער המחזיק בידו הניחה אותי והימשני את העמדים אשר הבית נכון עליהם ואשען עליהם׃

  9. שֹׁפְטִים ט״ז:כ״ז

    והבית מלא האנשים והנשים ושמה כל סרני פלשתים ועל הגג כשלשת אלפים איש ואשה הראים בשחוק שמשון׃

  10. שֹׁפְטִים ט״ז:כ״ח

    ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים׃

  11. שֹׁפְטִים ט״ז:כ״ט

    וילפת שמשון את שני עמודי התוך אשר הבית נכון עליהם ויסמך עליהם אחד בימינו ואחד בשמאלו׃

  12. שֹׁפְטִים ט״ז:ל׳

    ויאמר שמשון תמות נפשי עם פלשתים ויט בכח ויפל הבית על הסרנים ועל כל העם אשר בו ויהיו המתים אשר המית במותו רבים מאשר המית בחייו׃

  13. אִגֶּרֶת אֶל־הָעִבְרִים י״א:ל״ב

    ומה אמר עוד הן תקצר לי העת אם אספר מעשי גדעון וברק ושמשון ויפתח ודוד ושמואל והנביאים׃