TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
ואשר ישתה מן המים אשר אנכי נתן לו לא יצמא לעולם כי המים אשר אתן לו יהיו בקרבו למקור מים נבעים לחיי העולמים׃
ותאמר אליו האשה אדני תנה לי המים ההם למען לא אצמא עוד ולא אוסיף לבוא הנה לשאב׃
ויאמר אליה ישוע לכי וקראי לאישך ושובי הלום׃
ותען האשה ותאמר אין לי איש ויאמר אליה ישוע כן דברת אין לי איש׃
ותאמר אליו האשה אדני ראה אנכי כי נביא אתה׃
ויאמר אליה ישוע אשה האמיני לי כי תבוא שעה אשר לא בהר הזה אף לא בירושלים תשתחוו לאב׃
האלהים רוח הוא והמשתחוים לו צריכים להשתחות ברוח ובאמת׃
ותאמר אליו האשה ידעתי כי יבא המשיח הנקרא כריסטוס הוא בבאו יגיד לנו את כל׃
ויאמר אליה ישוע אני הוא המדבר אליך׃
ויהי הוא מדבר ככה ותלמידיו באו ויתמהו על דברו עם אשה אך לא אמר לו איש מה זה תשאל או מה תדבר עמה׃
באו וראו איש אשר הגיד לי כל אשר עשיתי הכי זה הוא המשיח׃
ויצאו מן העיר ויבאו אליו׃
טרם יבאו ותלמידיו בקשו ממנו לאמר אכל נא אדני׃
ויאמר אליהם יש לי אכל לאכל אשר אתם לא ידעתם׃
ויאמרו התלמידים איש אל רעהו הכי הביא לו איש לאכל׃
ויאמר אליהם ישוע מאכלי הוא לעשות רצון שלחי ולהשלים מעשהו׃
הלא אתם תאמרו כי עוד ארבעה חדשים והקציר בא הנה אני אמר לכם שאו עיניכם וראו בשדות כי כבר הלבינו לקציר׃
אנכי שלחתי אתכם לקצר את אשר לא עמלתם בו ואחרים עמלו ואתם נכנסתם בעמלם׃
ויאמינו בו שמרנים רבים מן העיר ההיא על דבר האשה אשר העידה לאמר הוא הגיד לי את כל אשר עשיתי׃
ויהי כאשר באו אליו השמרנים וישאלו ממנו לשבת אתם וישב שם יומים׃
ועוד רבים מהמה האמינו בו בעבור דברו׃
ויאמרו אל האשה מעתה לא בעבור מאמרך נאמין כי באזנינו שמענו ונדע כי אמנם זה הוא המשיח מושיע העולם׃
ויהי מקץ שני הימים ויצא משם ללכת הגלילה׃
כי הוא ישוע העיד כי נביא בארץ מולדתו איננו נכבד׃
ויהי הוא בא ארץ הגליל ויאספהו אנשי הגליל כי ראו את כל אשר עשה בירושלים בימי החג כי גם הם עלו לחג את החג׃