TRV
Jesus
ידוע גם בשם: Jesus Christ, Immanuel, Emmanuel, Christ
פסוקים המזכירים את Jesus
ואף שלטן נתן לו לעשות משפט כי בן אדם הוא׃
אל תתמהו על זאת כי הנה שעה באה אשר כל שכני קבר את קולו ישמעון׃
לא אוכל לעשות דבר מנפשי כאשר אשמע כן אשפט ומשפטי משפט צדק כי לא אבקש רצוני כי אם רצון האב אשר שלחני׃
אם אנכי מעיד עלי עדותי איננה נאמנה׃
יש אחר המעיד עלי וידעתי כי עדותו אשר הוא מעיד עלי נאמנה היא׃
ואני אינני לקח עדות מאדם אך אמרתי זאת למען תושעון׃
ואני יש לי עדות גדולה מעדות יוחנן כי המעשים אשר נתן לי אבי להשלימם המעשים האלה אשר אני עשה מעידים עלי כי האב שלחני׃
והאב אשר שלחני הוא מעיד עלי ואתם את קולו לא שמעתם מעולם ותמונתו לא ראיתם׃
ודברו איננו שכן בקרבכם כי אינכם מאמינים לשלוחו׃
דרשו בכתובים אשר תחשבו שיש לכם חיי עולמים בהם והמה המעידים עלי׃
ואתם אינכם אבים לבוא אלי להיות לכם חיים׃
לא אקח כבוד מבני אדם׃
אכן ידעתי אתכם כי אין אהבת אלהים בקרבכם׃
אני הנה באתי בשם אבי ולא קבלתם אתו ואם יבא אחר בשם עצמו אתו תקבלו׃
אל תחשבו כי אנכי אטען עליכם לפני אבי משה הוא הטען עליכם אשר לו תיחלו׃
כי לו האמנתם למשה גם לי תאמינו כי הוא כתב עלי׃
ואם לכתביו אינכם מאמינים איכה לדברי תאמינו׃
¶ ויהי אחרי כן ויצא ישוע אל עבר ים הגליל אשר לטיבריה׃
וילכו אחריו המון עם רב כי ראו אותתיו אשר עשה עם החולים׃
ויעל ישוע על ההר וישב שם הוא ותלמידיו׃
וישא ישוע את עיניו וירא עם רב בא אליו ויאמר אל פילפוס מאין נקנה להם לחם לאכל׃
ואך למען נסות אתו דבר זאת כי הוא ידע את אשר יעשה׃
ויען אתו פילפוס לחם מאתים דינר לא ימצא להם לקחת לו איש איש מעט׃
ויאמר אליו אחד מתלמידיו אנדרי אחי שמעון פטרוס׃
ויאמר ישוע צוו את העם לשבת ארצה וירק דשא לרב היה במקום ההוא וישבו לארץ כחמשת אלפי איש במספר׃