Ayoyin Littafi Mai Tsarki game da Lasciviousness

Zai kiyaye ku kuma daga mazinaciya, daga mace mai lalata, mai ƙoƙarin kama ka da daɗin bakinta,

wadda ta bar mijin ƙuruciyarta ta kuma ƙyale alkawarin da ta yi a gaban Allah.

Gama gidanta yana kai ga mutuwa hanyarta kuma ga ruhohin matattu.

Gama leɓunan mazinaciya na ɗigan zuma, maganarta tana da sulɓi fiye da mai;

amma a ƙarshe tana da ɗaci kamar tafashiya, mai ci kamar takobi mai kaifi biyu.

Ƙafafunta na kaiwa ga mutuwa; sawunta na jagora kai tsaye zuwa kabari.

Ku yi nesa da hanyarta, kana ku je kusa da ƙofar gidanta,

don kada ku ba da ƙarfi mafi kyau ga waɗansu da kuma shekarunku ga wani marar imani,

don kada baƙi su yi biki a kan dukiyarku wahalarku ta azurta gidan wani mutum dabam.

A ƙarshen rayuwarku za ku yi ta nishi, sa’ad da namanku da jikinku suka zagwanye.

Za ku ce, “Me ya sa na ƙi horo! Me ya sa zuciyata ta ƙi gyara!

Ban yi biyayya da malamaina ba ko in saurari masu koyar da ni.

A tagar gidana na leƙa ta labule mai rammuka.

Sai na gani a cikin marasa azanci, na lura a cikin samari, wani matashi wanda ba shi da hankali.

Yana gangarawa a titi kusa da kusurwarta, yana tafiya a gefen wajen gidanta

da magariba, yayinda rana tana fāɗuwa, yayinda duhun dare yana farawa.

Sai ga mace ta fito don ta sadu da shi, saye da riga kamar karuwa shirye kuma don ta yaudare shi.

(Ba ta jin tsoro, ko kuma kunya, ƙafafunta ba sa zama a gida;

wani lokaci a titi, wani lokaci a dandali, tana yawo a kowace kusurwa.)

Sai ta kama shi ta rungume shi da duban soyayya a fuskarta ta ce,

“Ina da hadaya ta salama a gida; yau zan cika alkawarina.

Saboda haka na fito don in sadu da kai; na neme ka na kuma same ka!

Na lulluɓe gadona da lili masu launi dabam-dabam daga Masar.

Na yayyafa turare a gadona da mur, aloyes da kuma kirfa.

Zo, mu sha zurfin ƙauna har safe; bari mu ji wa ranmu daɗi da ƙauna!