עברית

תְהִלִּיםע״ג

מאבקו הראשוני של מחבר המזמור

א׳
מזמור לאסף אך טוב לישראל אלהים לברי לבב׃
ב׳
ואני כמעט נטוי רגלי כאין שפכה אשרי׃
ג׳
כי קנאתי בהוללים שלום רשעים אראה׃

שגשוגם המתעתע של הרשעים

ד׳
כי אין חרצבות למותם ובריא אולם׃
ה׳
בעמל אנוש אינמו ועם אדם לא ינגעו׃
ו׳
לכן ענקתמו גאוה יעטף שית חמס למו׃
ז׳
יצא מחלב עינמו עברו משכיות לבב׃
ח׳
ימיקו וידברו ברע עשק ממרום ידברו׃
ט׳
שתו בשמים פיהם ולשונם תהלך בארץ׃
י׳
לכן ישיב עמו הלם ומי מלא ימצו למו׃
י״א
ואמרו איכה ידע אל ויש דעה בעליון׃
י״ב
הנה אלה רשעים ושלוי עולם השגו חיל׃

ספק וייאוש

י״ג
אך ריק זכיתי לבבי וארחץ בנקיון כפי׃
י״ד
ואהי נגוע כל היום ותוכחתי לבקרים׃
ט״ו
אם אמרתי אספרה כמו הנה דור בניך בגדתי׃
ט״ז
ואחשבה לדעת זאת עמל היא בעיני׃

נקודת המפנה במקדש

י״ז
עד אבוא אל מקדשי אל אבינה לאחריתם׃
י״ח
אך בחלקות תשית למו הפלתם למשואות׃
י״ט
איך היו לשמה כרגע ספו תמו מן בלהות׃
כ׳
כחלום מהקיץ אדני בעיר צלמם תבזה׃

אלוהים הוא צור לבי

כ״א
כי יתחמץ לבבי וכליותי אשתונן׃
כ״ב
ואני בער ולא אדע בהמות הייתי עמך׃

ביטחון ותקווה נצחית

כ״ג
ואני תמיד עמך אחזת ביד ימיני׃
כ״ד
בעצתך תנחני ואחר כבוד תקחני׃
כ״ה
מי לי בשמים ועמך לא חפצתי בארץ׃
כ״ו
כלה שארי ולבבי צור לבבי וחלקי אלהים לעולם׃
כ״ז
כי הנה רחקיך יאבדו הצמתה כל זונה ממך׃
כ״ח
ואני קרבת אלהים לי טוב שתי באדני יהוה מחסי לספר כל מלאכותיך׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options