אִיּוֹבכ״ז

משלו האחרון של איוב נפתח

א׳
ויסף איוב שאת משלו ויאמר׃
ב׳
חי אל הסיר משפטי ושדי המר נפשי׃
ג׳
כי כל עוד נשמתי בי ורוח אלוה באפי׃
ד׳
אם תדברנה שפתי עולה ולשוני אם יהגה רמיה׃

שבועת יושר

ה׳
חלילה לי אם אצדיק אתכם עד אגוע לא אסיר תמתי ממני׃
ו׳
בצדקתי החזקתי ולא ארפה לא יחרף לבבי מימי׃
ז׳
יהי כרשע איבי ומתקוממי כעול׃
ח׳
כי מה תקות חנף כי יבצע כי ישל אלוה נפשו׃
ט׳
הצעקתו ישמע אל כי תבוא עליו צרה׃
י׳
אם על שדי יתענג יקרא אלוה בכל עת׃
י״א
אורה אתכם ביד אל אשר עם שדי לא אכחד׃
י״ב
הן אתם כלכם חזיתם ולמה זה הבל תהבלו׃

חלקם של הרשעים

י״ג
זה חלק אדם רשע עם אל ונחלת עריצים משדי יקחו׃
י״ד
אם ירבו בניו למו חרב וצאצאיו לא ישבעו לחם׃
ט״ו
שרידו במות יקברו ואלמנתיו לא תבכינה׃
ט״ז
אם יצבר כעפר כסף וכחמר יכין מלבוש׃
י״ז
יכין וצדיק ילבש וכסף נקי יחלק׃
י״ח
בנה כעש ביתו וכסכה עשה נצר׃
י״ט
עשיר ישכב ולא יאסף עיניו פקח ואיננו׃
כ׳
תשיגהו כמים בלהות לילה גנבתו סופה׃
כ״א
ישאהו קדים וילך וישערהו ממקמו׃
כ״ב
וישלך עליו ולא יחמל מידו ברוח יברח׃
כ״ג
ישפק עלימו כפימו וישרק עליו ממקמו׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options