Mistari ya Biblia kuhusu Slothfulness: General references

Ewe mvivu, mwendee mchwa; zitafakari njia zake ukapate hekima!

Kwa maana yeye hana msimamizi, wala mwangalizi, au mtawala,

lakini hujiwekea akiba wakati wa kiangazi na hukusanya chakula chake wakati wa mavuno.

Ewe mvivu, utalala hata lini? Utaamka lini kutoka usingizi wako?

Bado kulala kidogo, kusinzia kidogo, bado kukunja mikono kidogo upate kupumzika:

hivyo umaskini utakuja juu yako kama mnyangʼanyi, na kupungukiwa kutakujia kama mtu mwenye silaha.

Mikono mivivu hufanya mtu kuwa maskini lakini mikono yenye bidii huleta utajiri.

Yeye akusanyaye mazao wakati wa kiangazi ni mwana mwenye hekima, lakini yeye alalaye wakati wa mavuno ni mwana mwenye kuaibisha.

Kama siki ilivyo kwa meno na moshi kwa macho, ndivyo alivyo mvivu kwa wale waliomtuma.

Mikono yenye bidii itatawala, bali uvivu huishia katika kazi za utumwa.

Mtu mvivu haoki mawindo yake, bali mtu mwenye bidii ana mali za thamani.

Mvivu hutamani sana na hapati kitu, bali nafsi ya mwenye bidii hutoshelezwa kikamilifu.

Njia ya mvivu imezibwa na miiba, bali njia ya mwenye haki ni barabara kuu.

Mtu aliye mlegevu katika kazi yake ni ndugu na yule anayeharibu.

Uvivu huleta usingizi mzito, naye mtu mzembe huona njaa.

Mtu mvivu hutumbukiza mkono wake kwenye sahani, lakini hawezi hata kuupeleka kwenye kinywa chake!

Mvivu halimi kwa majira; kwa hiyo wakati wa mavuno hutazama lakini hapati chochote.

Kutamani sana kwa mvivu kutakuwa kifo chake, kwa sababu mikono yake haitaki kufanya kazi.

Mvivu husema, “Yuko simba nje!” au, “Nitauawa katika mitaa!”

kwa maana walevi na walafi huwa maskini, nako kusinzia huwavika matambara.

Nilipita karibu na shamba la mvivu, karibu na shamba la mizabibu la mtu asiye na akili,

miiba ilikuwa imeota kila mahali, ardhi ilikuwa imefunikwa na magugu, na ukuta wa mawe ulikuwa umebomoka.

Nikatafakari moyoni mwangu lile nililoliona, nami nikajifunza somo kutokana na niliyoyaona:

Bado kulala kidogo, kusinzia kidogo, bado kukunja mikono kidogo upate kupumzika:

hivyo umaskini utakuja juu yako kama mnyangʼanyi, na kupungukiwa kutakujia kama mtu mwenye silaha.