Vargje biblike për Slothfulness: General references

Shko te milingona, o përtac, vër re zakonet e saj dhe bëhu i urtë.

Ajo nuk ka as kryetar, as mbikëqyrës, as zot;

e gjen ushqimin në verë dhe mbledh zahirenë e saj gjatë korrjes.

Deri kur, o përtac, do të rrish duke fjetur? Kur do të shkundesh nga gjumi yt?

Të flesh pak, të dremitësh pak, të rrish me duar në ije për t'u çlodhur,

kështu varfëria jote do të vijë si një vjedhës, dhe skamja jote si një njeri i armatosur.

Kush punon me dorë përtace varfërohet, por dora e njerëzve të zellshëm të bën të pasurohesh.

Ai që mbledh gjatë verës është një bir i matur, por ai që fle në kohën e korrjeve është një bir që të mbulon me turp.

Ashtu si uthulla për dhëmbët dhe tymi për sytë, kështu është dembeli për ata që e dërgojnë.

Dora e njeriut të kujdeshëm do të sundojë, por dora e përtacëve do t'i nënshtrohet punës së detyrueshme.

Përtaci nuk e pjek gjahun e tij, por kujdesi për njeriun është një pasuri e çmueshme.

Shpirti i përtacit dëshiron dhe nuk ka asgjë, por shpirti i atyre që janë të kujdesshëm do të kënaqet plotësisht.

Rruga e përtacit është si një gardh ferrash, por shtegu i njerëzve të drejtë është i sheshtë.

Edhe ai që është përtac në punën e tij është vëlla i planprishësit.

Përtacia të bën të biesh në një gjumë të thellë dhe njeriu i plogët do të vuajë nga uria.

Përtaci e zhyt dorën e tij në pjatë, por nuk arrin as ta çojë në gojë.

Përtaci nuk lëron për shkak të të ftohtit; për pasojë do të lypë në kohën e vjeljeve, por nuk do të ketë asgjë.

Dëshirat e përtacit e vrasin atë, sepse duart e tij nuk pranojnë të punojnë.

Përtaci thotë: "Jashtë ka një luan; do të vritem rrugës".

sepse pijaneci dhe grykësi do të varfërohen dhe gjumashi do të vishet me lecka.

Kalova pranë arës së përtacit dhe pranë vreshtit të njeriut që s'ka mend;

dhe ja, kudo rriteshin ferrat, ferrishtet e zinin tokën dhe muri prej gurësh ishte shembur.

Duke parë këtë, u mendova me kujdes; nga sa pashë nxora një mësim:

të flesh pak, të dremitësh pak, të rrish pak me duar në ije për të pushuar;

kështu varfëria jote do të vijë si një vjedhës dhe skamja jote si një njeri i armatosur.