TRV
הבְּשׂוֹרָה הַקְּדוֹשָׁה עַל־פִּי לוּקָס כ״ב:מ״ז-ע״א
מ״ז
]74-64[׃
מ״ח
ויאמר ישוע אליו יהודה הבנשיקה אתה מוסר את בן האדם׃
מ״ט
והאנשים אשר אתו ראים את אשר יהיה ויאמרו אליו אדנינו הנכה בחרב׃
נ׳
ויך אחד מהם את עבד הכהן הגדול ויקצץ את אזנו הימנית׃
נ״א
ויען ישוע ויאמר רב עתה הרפו ויגע באזנו וירפאהו׃
נ״ב
ויאמר ישוע אל ראשי הכהנים ושרי המקדש והזקנים אשר באו עליו לאמר כמו על פריץ יצאתם עלי בחרבות ובמקלות׃
נ״ג
ואהי אצלכם יום יום בהיכל ולא שלחתם בי יד ואולם זאת היא שעתכם ושלטן החשך׃
נ״ד
ויתפשו אותו ויוליכהו ויביאהו בית הכהן הגדול ופטרוס הלך אחריו מרחוק׃
נ״ה
ויהי כי בערו אש בתוך החצר וישבו יחדו וישב גם פטרוס בתוכם׃
נ״ו
ותראהו השפחה יושב נגד האור ותבט בו ותאמר גם זה היה עמו׃
נ״ז
ויכחש בו ויאמר אשה לא ידעתיו׃
נ״ח
ואחרי מעט ראהו אדם אחר ויאמר גם אתה מהם ויאמר פטרוס לא אדם כי אינני׃
נ״ט
ואחרי עבר כשעה אחת קים איש אחר לאמר אמנם גם זה היה עמו כי אף הוא גלילי׃
ס׳
ויאמר פטרוס בן אדם לא ידעתי מה אתה אמר והוא עודנו מדבר והתרנגול קרא׃
ס״א
ויפן האדון ויבט אל פטרוס ויזכר פטרוס את דבר האדון אשר דבר אליו כי בטרם יקרא התרנגל תכחש בי שלש פעמים׃
ס״ב
ויצא פטרוס החוצה וימרר בבכי׃
ס״ג
והאנשים אשר אחזו את ישוע התעללו בו ויכהו׃
ס״ד
ויחפו את ראשו ויכהו על פניו וישאלהו לאמר הנבא מי הוא ההלם אותך׃
ס״ה
ועוד גדופים אחרים הרבו עליו׃
ס״ו
ובהית הבקר נקהלו זקני העם והכהנים הגדולים והסופרים ויעלהו לפני הסנהדרין שלהם ויאמרו האתה הוא המשיח אמר לנו׃
ס״ז
ויאמר אליהם כי אגיד לכם לא תאמינו׃
ס״ח
וגם אם אשאל לא תשיבו דבר ולא תשלחוני׃
ס״ט
אבל מעתה יהיה בן האדם ישב לימין גבורת האלהים׃
ע׳
ויאמרו כלם הכי אתה הוא בן האלהים ויאמר אליהם אתם אמרתם כי אני הוא׃
ע״א
ויאמרו מה לנו עוד לבקש עדות הלא באזנינו שמענוה מפיו׃
Settings