צדקתו של איוב והכבוד שרחשו לו בשער העיר

אִיּוֹב כ״ט:ז׳-י״ז

ז׳

בצאתי שער עלי קרת ברחוב אכין מושבי׃

ח׳

ראוני נערים ונחבאו וישישים קמו עמדו׃

ט׳

שרים עצרו במלים וכף ישימו לפיהם׃

י׳

קול נגידים נחבאו ולשונם לחכם דבקה׃

י״א

כי אזן שמעה ותאשרני ועין ראתה ותעידני׃

י״ב

כי אמלט עני משוע ויתום ולא עזר לו׃

י״ג

ברכת אבד עלי תבא ולב אלמנה ארנן׃

י״ד

צדק לבשתי וילבשני כמעיל וצניף משפטי׃

ט״ו

עינים הייתי לעור ורגלים לפסח אני׃

ט״ז

אב אנכי לאביונים ורב לא ידעתי אחקרהו׃

י״ז

ואשברה מתלעות עול ומשניו אשליך טרף׃