TRV
בְּרֵאשִׁית י״ג:ה׳-י״ג
ה׳
וגם ללוט ההלך את אברם היה צאן ובקר ואהלים׃
ו׳
ולא נשא אתם הארץ לשבת יחדו כי היה רכושם רב ולא יכלו לשבת יחדו׃
ז׳
ויהי ריב בין רעי מקנה אברם ובין רעי מקנה לוט והכנעני והפרזי אז ישב בארץ׃
ח׳
ויאמר אברם אל לוט אל נא תהי מריבה ביני וביניך ובין רעי ובין רעיך כי אנשים אחים אנחנו׃
ט׳
הלא כל הארץ לפניך הפרד נא מעלי אם השמאל ואימנה ואם הימין ואשמאילה׃
י׳
וישא לוט את עיניו וירא את כל ככר הירדן כי כלה משקה לפני שחת יהוה את סדם ואת עמרה כגן יהוה כארץ מצרים באכה צער׃
י״א
ויבחר לו לוט את כל ככר הירדן ויסע לוט מקדם ויפרדו איש מעל אחיו׃
י״ב
אברם ישב בארץ כנען ולוט ישב בערי הככר ויאהל עד סדם׃
י״ג
ואנשי סדם רעים וחטאים ליהוה מאד׃
Settings