הוראות להשתתפות בפסח

שְׁמֹות י״ב:מ״ג-נ״א

מ״ג

ויאמר יהוה אל משה ואהרן זאת חקת הפסח כל בן נכר לא יאכל בו׃

מ״ד

וכל עבד איש מקנת כסף ומלתה אתו אז יאכל בו׃

מ״ה

תושב ושכיר לא יאכל בו׃

מ״ו

בבית אחד יאכל לא תוציא מן הבית מן הבשר חוצה ועצם לא תשברו בו׃

מ״ז

כל עדת ישראל יעשו אתו׃

מ״ח

וכי יגור אתך גר ועשה פסח ליהוה המול לו כל זכר ואז יקרב לעשתו והיה כאזרח הארץ וכל ערל לא יאכל בו׃

מ״ט

תורה אחת יהיה לאזרח ולגר הגר בתוככם׃

נ׳

ויעשו כל בני ישראל כאשר צוה יהוה את משה ואת אהרן כן עשו׃

נ״א

ויהי בעצם היום הזה הוציא יהוה את בני ישראל מארץ מצרים על צבאתם׃