פסוקים על Zarephath

18 פסוקים · 2 היבטים

פסוקי מפתח

  1. 1 מְלָכִים י״ז:ח׳

    ויהי דבר יהוה אליו לאמר׃

  2. 1 מְלָכִים י״ז:ט׳

    קום לך צרפתה אשר לצידון וישבת שם הנה צויתי שם אשה אלמנה לכלכלך׃

  3. 1 מְלָכִים י״ז:י׳

    ויקם וילך צרפתה ויבא אל פתח העיר והנה שם אשה אלמנה מקששת עצים ויקרא אליה ויאמר קחי נא לי מעט מים בכלי ואשתה׃

  4. 1 מְלָכִים י״ז:י״א

    ותלך לקחת ויקרא אליה ויאמר לקחי נא לי פת לחם בידך׃

  5. 1 מְלָכִים י״ז:י״ב

    ותאמר חי יהוה אלהיך אם יש לי מעוג כי אם מלא כף קמח בכד ומעט שמן בצפחת והנני מקששת שנים עצים ובאתי ועשיתיהו לי ולבני ואכלנהו ומתנו׃

  6. 1 מְלָכִים י״ז:י״ג

    ויאמר אליה אליהו אל תיראי באי עשי כדברך אך עשי לי משם עגה קטנה בראשנה והוצאת לי ולך ולבנך תעשי באחרנה׃

  7. 1 מְלָכִים י״ז:י״ד

    כי כה אמר יהוה אלהי ישראל כד הקמח לא תכלה וצפחת השמן לא תחסר עד יום תתן יהוה גשם על פני האדמה׃

  8. 1 מְלָכִים י״ז:ט״ו

    ותלך ותעשה כדבר אליהו ותאכל הוא והיא וביתה ימים׃

  9. 1 מְלָכִים י״ז:ט״ז

    כד הקמח לא כלתה וצפחת השמן לא חסר כדבר יהוה אשר דבר ביד אליהו׃

  10. 1 מְלָכִים י״ז:י״ז

    ויהי אחר הדברים האלה חלה בן האשה בעלת הבית ויהי חליו חזק מאד עד אשר לא נותרה בו נשמה׃

  11. 1 מְלָכִים י״ז:י״ח

    ותאמר אל אליהו מה לי ולך איש האלהים באת אלי להזכיר את עוני ולהמית את בני׃

  12. 1 מְלָכִים י״ז:י״ט

    ויאמר אליה תני לי את בנך ויקחהו מחיקה ויעלהו אל העליה אשר הוא ישב שם וישכבהו על מטתו׃

  13. 1 מְלָכִים י״ז:כ׳

    ויקרא אל יהוה ויאמר יהוה אלהי הגם על האלמנה אשר אני מתגורר עמה הרעות להמית את בנה׃

  14. 1 מְלָכִים י״ז:כ״א

    ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו׃

  15. 1 מְלָכִים י״ז:כ״ב

    וישמע יהוה בקול אליהו ותשב נפש הילד על קרבו ויחי׃

  16. 1 מְלָכִים י״ז:כ״ג

    ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃

  17. 1 מְלָכִים י״ז:כ״ד

    ותאמר האשה אל אליהו עתה זה ידעתי כי איש אלהים אתה ודבר יהוה בפיך אמת׃

  18. הבְּשׂוֹרָה הַקְּדוֹשָׁה עַל־פִּי לוּקָס ד׳:כ״ו

    ולא נשלח אליהו אל אחת מהנה זולתי צרפתה אשר לצידון אל אשה אלמנה׃