פסוקים על Vineyard

ויכם מערוער ועד בואך מנית עשרים עיר ועד אבל כרמים מכה גדולה מאד ויכנעו בני עמון מפני בני ישראל׃

ועל עשי מלאכת השדה לעבדת האדמה עזרי בן כלוב׃

ועל הכרמים שמעי הרמתי ועל שבכרמים לאצרות היין זבדי השפמי׃

ועל הזיתים והשקמים אשר בשפלה בעל חנן הגדרי ועל אצרות השמן יועש׃

על שדה איש עצל עברתי ועל כרם אדם חסר לב׃

והנה עלה כלו קמשנים כסו פניו חרלים וגדר אבניו נהרסה׃

הגדלתי מעשי בניתי לי בתים נטעתי לי כרמים׃

עשיתי לי ברכות מים להשקות מהם יער צומח עצים׃

כרם היה לשלמה בבעל המון נתן את הכרם לנטרים איש יבא בפריו אלף כסף׃

כרמי שלי לפני האלף לך שלמה ומאתים לנטרים את פריו׃

ונותרה בת ציון כסכה בכרם כמלונה במקשה כעיר נצורה׃

¶ אשירה נא לידידי שירת דודי לכרמו כרם היה לידידי בקרן בן שמן׃

ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים׃

ועתה יושב ירושלם ואיש יהודה שפטו נא ביני ובין כרמי׃

מה לעשות עוד לכרמי ולא עשיתי בו מדוע קויתי לעשות ענבים ויעש באשים׃

ועתה אודיעה נא אתכם את אשר אני עשה לכרמי הסר משוכתו והיה לבער פרץ גדרו והיה למרמס׃

ואשיתהו בתה לא יזמר ולא יעדר ועלה שמיר ושית ועל העבים אצוה מהמטיר עליו מטר׃

כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

והיה ביום ההוא יהיה כל מקום אשר יהיה שם אלף גפן באלף כסף לשמיר ולשית יהיה׃

ביום ההוא כרם חמד ענו לה׃

אני יהוה נצרה לרגעים אשקנה פן יפקד עליה לילה ויום אצרנה׃

רעים רבים שחתו כרמי בססו את חלקתי נתנו את חלקת חמדתי למדבר שממה׃

¶ כי דומה מלכות השמים לאדם בעל בית אשר השכים לצאת בבקר לשכר פעלים לכרמו׃

והתנה עם הפעלים שכר דינר ליום וישלחם אל כרמו׃

ויצא בשעה השלישית וירא אחרים עמדים בטלים בשוק׃