פסוקים על Transfiguration

והנה שני אנשים מדברים אתו והמה משה ואליהו׃

אשר נראו בכבוד והגידו את אחריתו אשר ימלאנה בירושלים׃

ויהיו פטרוס ואשר אתו נרדמים ובהקיצם ראו את כבודו ואת שני האנשים העמדים עליו׃

ויהי בהפרדם ממנו ויאמר פטרוס אל ישוע מורה טוב היותנו פה נעשה נא שלש סכות לך אחת ולמשה אחת ולאליהו אחת ולא ידע מה דבר׃

הוא מדבר כזאת והנה ענן סכך עליהם וכבואם בענן נבעתו׃

ויצא קול מן הענן אמר זה בני ידידי אליו תשמעון׃

ובהיות הקול נשאר ישוע לבדו והמה החשו ולא הגידו דבר לאיש בימים ההם מכל אשר ראו׃

ויסתכלו בו כל הישבים בסנהדרין ויראו את פניו כפני מלאך אלהים׃

כי הודענו אתכם גבורת אדנינו ישוע המשיח ובאו לא בלכתנו אחרי הגדות מחכמות כי אם ראות היו עינינו את גדלתו׃

כי לקח מאת אלהים האב יקר וכבוד בבא אליו קול מתוך הדרת כבודו לאמר זה בני ידידי רצתה נפשי בו׃

ואת הקול הזה שמענו באזנינו יצא משמים בהיותנו עמו בהר הקדש׃