פסוקים על The Sabbath

85 פסוקים · 63 היבטים

פסוקי מפתח

סינון לפי ספר
  1. נחמיה ט׳:י״ד

    ואת שבת קדשך הודעת להם ומצוות וחקים ותורה צוית להם ביד משה עבדך׃

  2. נחמיה י׳:ל״א

    ועמי הארץ המביאים את המקחות וכל שבר ביום השבת למכור לא נקח מהם בשבת וביום קדש ונטש את השנה השביעית ומשא כל יד׃

  3. נחמיה י״ג:ט״ו

    בימים ההמה ראיתי ביהודה דרכים גתות בשבת ומביאים הערמות ועמסים על החמרים ואף יין ענבים ותאנים וכל משא ומביאים ירושלם ביום השבת ואעיד ביום מכרם ציד׃

  4. נחמיה י״ג:ט״ז

    והצרים ישבו בה מביאים דאג וכל מכר ומכרים בשבת לבני יהודה ובירושלם׃

  5. נחמיה י״ג:י״ז

    ואריבה את חרי יהודה ואמרה להם מה הדבר הרע הזה אשר אתם עשים ומחללים את יום השבת׃

  6. נחמיה י״ג:י״ח

    הלוא כה עשו אבתיכם ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישראל לחלל את השבת׃

  7. נחמיה י״ג:י״ט

    ויהי כאשר צללו שערי ירושלם לפני השבת ואמרה ויסגרו הדלתות ואמרה אשר לא יפתחום עד אחר השבת ומנערי העמדתי על השערים לא יבוא משא ביום השבת׃

  8. נחמיה י״ג:כ׳

    וילינו הרכלים ומכרי כל ממכר מחוץ לירושלם פעם ושתים׃

  9. נחמיה י״ג:כ״א

    ואעידה בהם ואמרה אליהם מדוע אתם לנים נגד החומה אם תשנו יד אשלח בכם מן העת ההיא לא באו בשבת׃

  10. נחמיה י״ג:כ״ב

    ואמרה ללוים אשר יהיו מטהרים ובאים שמרים השערים לקדש את יום השבת גם זאת זכרה לי אלהי וחוסה עלי כרב חסדך׃

  11. תְהִלִּים קי״ח:כ״ד

    זה היום עשה יהוה נגילה ונשמחה בו׃

  12. יְשַׁעְיָהוּ נ״ו:ב׳

    אשרי אנוש יעשה זאת ובן אדם יחזיק בה שמר שבת מחללו ושמר ידו מעשות כל רע׃

  13. יְשַׁעְיָהוּ נ״ו:ו׳

    ובני הנכר הנלוים על יהוה לשרתו ולאהבה את שם יהוה להיות לו לעבדים כל שמר שבת מחללו ומחזיקים בבריתי׃

  14. יְשַׁעְיָהוּ נ״ח:י״ג

    אם תשיב משבת רגלך עשות חפציך ביום קדשי וקראת לשבת ענג לקדוש יהוה מכבד וכבדתו מעשות דרכיך ממצוא חפצך ודבר דבר׃

  15. יְשַׁעְיָהוּ נ״ח:י״ד

    אז תתענג על יהוה והרכבתיך על במותי ארץ והאכלתיך נחלת יעקב אביך כי פי יהוה דבר׃

  16. יִרְמְיָהוּ י״ז:כ״א

    כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃

  17. יִרְמְיָהוּ י״ז:כ״ב

    ולא תוציאו משא מבתיכם ביום השבת וכל מלאכה לא תעשו וקדשתם את יום השבת כאשר צויתי את אבותיכם׃

  18. יִרְמְיָהוּ י״ז:כ״ג

    ולא שמעו ולא הטו את אזנם ויקשו את ערפם לבלתי שומע ולבלתי קחת מוסר׃

  19. יִרְמְיָהוּ י״ז:כ״ז

    ואם לא תשמעו אלי לקדש את יום השבת ולבלתי שאת משא ובא בשערי ירושלם ביום השבת והצתי אש בשעריה ואכלה ארמנות ירושלם ולא תכבה׃

  20. אֵיכָה א׳:ז׳

    זכרה ירושלם ימי עניה ומרודיה כל מחמדיה אשר היו מימי קדם בנפל עמה ביד צר ואין עוזר לה ראוה צרים שחקו על משבתה׃

  21. אֵיכָה ב׳:ו׳

    ויחמס כגן שכו שחת מועדו שכח יהוה בציון מועד ושבת וינאץ בזעם אפו מלך וכהן׃

  22. יְחֶזְקֵאל כ׳:י״ג

    וימרו בי בית ישראל במדבר בחקותי לא הלכו ואת משפטי מאסו אשר יעשה אתם האדם וחי בהם ואת שבתתי חללו מאד ואמר לשפך חמתי עליהם במדבר לכלותם׃

  23. יְחֶזְקֵאל כ׳:ט״ז

    יען במשפטי מאסו ואת חקותי לא הלכו בהם ואת שבתותי חללו כי אחרי גלוליהם לבם הלך׃

  24. יְחֶזְקֵאל כ״ב:ח׳

    קדשי בזית ואת שבתתי חללת׃

  25. יְחֶזְקֵאל כ״ב:כ״ו

    כהניה חמסו תורתי ויחללו קדשי בין קדש לחל לא הבדילו ובין הטמא לטהור לא הודיעו ומשבתותי העלימו עיניהם ואחל בתוכם׃