פסוקים על The Feast of Sabbatical Year

19 פסוקים · 13 היבטים

פסוקי מפתח

  1. וַיִּקְרָא כ״ה:כ׳

    וכי תאמרו מה נאכל בשנה השביעת הן לא נזרע ולא נאסף את תבואתנו׃

  2. וַיִּקְרָא כ״ה:כ״א

    וצויתי את ברכתי לכם בשנה הששית ועשת את התבואה לשלש השנים׃

  3. וַיִּקְרָא כ״ה:כ״ב

    וזרעתם את השנה השמינת ואכלתם מן התבואה ישן עד השנה התשיעת עד בוא תבואתה תאכלו ישן׃

  4. דְּבָרִים ט״ו:א׳

    ¶ מקץ שבע שנים תעשה שמטה׃

  5. דְּבָרִים ט״ו:ב׳

    וזה דבר השמטה שמוט כל בעל משה ידו אשר ישה ברעהו לא יגש את רעהו ואת אחיו כי קרא שמטה ליהוה׃

  6. דְּבָרִים ט״ו:ג׳

    את הנכרי תגש ואשר יהיה לך את אחיך תשמט ידך׃

  7. דְּבָרִים ט״ו:ט׳

    השמר לך פן יהיה דבר עם לבבך בליעל לאמר קרבה שנת השבע שנת השמטה ורעה עינך באחיך האביון ולא תתן לו וקרא עליך אל יהוה והיה בך חטא׃

  8. דְּבָרִים ט״ו:י׳

    נתון תתן לו ולא ירע לבבך בתתך לו כי בגלל הדבר הזה יברכך יהוה אלהיך בכל מעשך ובכל משלח ידך׃

  9. דְּבָרִים ט״ו:י״א

    כי לא יחדל אביון מקרב הארץ על כן אנכי מצוך לאמר פתח תפתח את ידך לאחיך לעניך ולאבינך בארצך׃

  10. דְּבָרִים ל״א:י׳

    ויצו משה אותם לאמר מקץ שבע שנים במעד שנת השמטה בחג הסכות׃

  11. דְּבָרִים ל״א:י״א

    בבוא כל ישראל לראות את פני יהוה אלהיך במקום אשר יבחר תקרא את התורה הזאת נגד כל ישראל באזניהם׃

  12. דְּבָרִים ל״א:י״ב

    הקהל את העם האנשים והנשים והטף וגרך אשר בשעריך למען ישמעו ולמען ילמדו ויראו את יהוה אלהיכם ושמרו לעשות את כל דברי התורה הזאת׃

  13. דְּבָרִים ל״א:י״ג

    ובניהם אשר לא ידעו ישמעו ולמדו ליראה את יהוה אלהיכם כל הימים אשר אתם חיים על האדמה אשר אתם עברים את הירדן שמה לרשתה׃

  14. יִרְמְיָהוּ ל״ד:י״ג

    כה אמר יהוה אלהי ישראל אנכי כרתי ברית את אבותיכם ביום הוצאי אותם מארץ מצרים מבית עבדים לאמר׃

  15. יִרְמְיָהוּ ל״ד:י״ד

    מקץ שבע שנים תשלחו איש את אחיו העברי אשר ימכר לך ועבדך שש שנים ושלחתו חפשי מעמך ולא שמעו אבותיכם אלי ולא הטו את אזנם׃

  16. יִרְמְיָהוּ ל״ד:ט״ו

    ותשבו אתם היום ותעשו את הישר בעיני לקרא דרור איש לרעהו ותכרתו ברית לפני בבית אשר נקרא שמי עליו׃

  17. יִרְמְיָהוּ ל״ד:ט״ז

    ותשבו ותחללו את שמי ותשבו איש את עבדו ואיש את שפחתו אשר שלחתם חפשים לנפשם ותכבשו אתם להיות לכם לעבדים ולשפחות׃

  18. יִרְמְיָהוּ ל״ד:י״ז

    לכן כה אמר יהוה אתם לא שמעתם אלי לקרא דרור איש לאחיו ואיש לרעהו הנני קרא לכם דרור נאם יהוה אל החרב אל הדבר ואל הרעב ונתתי אתכם לזועה לכל ממלכות הארץ׃

  19. יִרְמְיָהוּ ל״ד:י״ח

    ונתתי את האנשים העברים את ברתי אשר לא הקימו את דברי הברית אשר כרתו לפני העגל אשר כרתו לשנים ויעברו בין בתריו׃