פסוקים על The Armies of Israel

137 פסוקים · 50 היבטים

פסוקי מפתח

סינון לפי ספר
  1. 1 שְׁמוּאֵל י״ד:ל״ד

    ויאמר שאול פצו בעם ואמרתם להם הגישו אלי איש שורו ואיש שיהו ושחטתם בזה ואכלתם ולא תחטאו ליהוה לאכל אל הדם ויגשו כל העם איש שורו בידו הלילה וישחטו שם׃

  2. 1 שְׁמוּאֵל י״ד:ל״ה

    ויבן שאול מזבח ליהוה אתו החל לבנות מזבח ליהוה׃

  3. 1 שְׁמוּאֵל י״ד:ל״ו

    ויאמר שאול נרדה אחרי פלשתים לילה ונבזה בהם עד אור הבקר ולא נשאר בהם איש ויאמרו כל הטוב בעיניך עשה ויאמר הכהן נקרבה הלם אל האלהים׃

  4. 1 שְׁמוּאֵל י״ד:ל״ז

    וישאל שאול באלהים הארד אחרי פלשתים התתנם ביד ישראל ולא ענהו ביום ההוא׃

  5. 1 שְׁמוּאֵל י״ד:ל״ח

    ויאמר שאול גשו הלם כל פנות העם ודעו וראו במה היתה החטאת הזאת היום׃

  6. 1 שְׁמוּאֵל י״ד:ל״ט

    כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

  7. 1 שְׁמוּאֵל י״ד:מ׳

    ויאמר אל כל ישראל אתם תהיו לעבר אחד ואני ויונתן בני נהיה לעבר אחד ויאמרו העם אל שאול הטוב בעיניך עשה׃

  8. 1 שְׁמוּאֵל י״ד:מ״א

    ויאמר שאול אל יהוה אלהי ישראל הבה תמים וילכד יונתן ושאול והעם יצאו׃

  9. 1 שְׁמוּאֵל י״ד:מ״ב

    ויאמר שאול הפילו ביני ובין יונתן בני וילכד יונתן׃

  10. 1 שְׁמוּאֵל י״ד:מ״ג

    ויאמר שאול אל יונתן הגידה לי מה עשיתה ויגד לו יונתן ויאמר טעם טעמתי בקצה המטה אשר בידי מעט דבש הנני אמות׃

  11. 1 שְׁמוּאֵל י״ד:מ״ד

    ויאמר שאול כה יעשה אלהים וכה יוסף כי מות תמות יונתן׃

  12. 1 שְׁמוּאֵל כ״ה:ד׳

    וישמע דוד במדבר כי גזז נבל את צאנו׃

  13. 1 שְׁמוּאֵל כ״ה:ה׳

    וישלח דוד עשרה נערים ויאמר דוד לנערים עלו כרמלה ובאתם אל נבל ושאלתם לו בשמי לשלום׃

  14. 1 שְׁמוּאֵל כ״ה:ו׳

    ואמרתם כה לחי ואתה שלום וביתך שלום וכל אשר לך שלום׃

  15. 1 שְׁמוּאֵל כ״ה:ז׳

    ועתה שמעתי כי גזזים לך עתה הרעים אשר לך היו עמנו לא הכלמנום ולא נפקד להם מאומה כל ימי היותם בכרמל׃

  16. 1 שְׁמוּאֵל כ״ה:ח׳

    שאל את נעריך ויגידו לך וימצאו הנערים חן בעיניך כי על יום טוב בנו תנה נא את אשר תמצא ידך לעבדיך ולבנך לדוד׃

  17. 2 שְׁמוּאֵל י״ז:כ״ז

    ויהי כבוא דוד מחנימה ושבי בן נחש מרבת בני עמון ומכיר בן עמיאל מלא דבר וברזלי הגלעדי מרגלים׃

  18. 2 שְׁמוּאֵל י״ז:כ״ח

    משכב וספות וכלי יוצר וחטים ושערים וקמח וקלי ופול ועדשים וקלי׃

  19. 2 שְׁמוּאֵל י״ז:כ״ט

    ודבש וחמאה וצאן ושפות בקר הגישו לדוד ולעם אשר אתו לאכול כי אמרו העם רעב ועיף וצמא במדבר׃

  20. 1 מְלָכִים כ״ב:א׳

    ¶ וישבו שלש שנים אין מלחמה בין ארם ובין ישראל׃

  21. 1 מְלָכִים כ״ב:ב׳

    ויהי בשנה השלישית וירד יהושפט מלך יהודה אל מלך ישראל׃

  22. 1 מְלָכִים כ״ב:ג׳

    ויאמר מלך ישראל אל עבדיו הידעתם כי לנו רמת גלעד ואנחנו מחשים מקחת אתה מיד מלך ארם׃

  23. 1 מְלָכִים כ״ב:ד׳

    ויאמר אל יהושפט התלך אתי למלחמה רמת גלעד ויאמר יהושפט אל מלך ישראל כמוני כמוך כעמי כעמך כסוסי כסוסיך׃

  24. 1 מְלָכִים כ״ב:ה׳

    ויאמר יהושפט אל מלך ישראל דרש נא כיום את דבר יהוה׃

  25. 1 מְלָכִים כ״ב:ו׳

    ויקבץ מלך ישראל את הנביאים כארבע מאות איש ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃