פסוקים על Seeking God

הכל סר יחדו נאלחו אין עשה טוב אין גם אחד׃

יאכלו ענוים וישבעו יהללו יהוה דרשיו יחי לבבכם לעד׃

זה דור דרשו מבקשי פניך יעקב סלה׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

לך אמר לבי בקשו פני את פניך יהוה אבקש׃

דרשתי את יהוה וענני ומכל מגורותי הצילני׃

כפירים רשו ורעבו ודרשי יהוה לא יחסרו כל טוב׃

¶ מזמור לדוד בהיותו במדבר יהודה אלהים אלי אתה אשחרך צמאה לך נפשי כמה לך בשרי בארץ ציה ועיף בלי מים׃

ראו ענוים ישמחו דרשי אלהים ויחי לבבכם׃

ישישו וישמחו בך כל מבקשיך ויאמרו תמיד יגדל אלהים אהבי ישועתך׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

ויכל בהבל ימיהם ושנותם בבהלה׃

אם הרגם ודרשוהו ושבו ושחרו אל׃

מלא פניהם קלון ויבקשו שמך יהוה׃

התהללו בשם קדשו ישמח לב מבקשי יהוה׃

דרשו יהוה ועזו בקשו פניו תמיד׃

אשרי נצרי עדתיו בכל לב ידרשוהו׃

בכל לבי דרשתיך אל תשגני ממצותיך׃

ואתהלכה ברחבה כי פקדיך דרשתי׃

לך אני הושיעני כי פקודיך דרשתי׃

אז יקראנני ולא אענה ישחרנני ולא ימצאנני׃

אני אהביה אהב ומשחרי ימצאנני׃

אנשי רע לא יבינו משפט ומבקשי יהוה יבינו כל׃

אקומה נא ואסובבה בעיר בשוקים וברחבות אבקשה את שאהבה נפשי בקשתיו ולא מצאתיו׃

כמעט שעברתי מהם עד שמצאתי את שאהבה נפשי אחזתיו ולא ארפנו עד שהביאתיו אל בית אמי ואל חדר הורתי׃