פסוקים על Poetry

22 פסוקים · 1 היבט

פסוקי מפתח

  1. מִשְׁלֵי ל״א:י׳

    אשת חיל מי ימצא ורחק מפנינים מכרה׃

  2. מִשְׁלֵי ל״א:י״א

    בטח בה לב בעלה ושלל לא יחסר׃

  3. מִשְׁלֵי ל״א:י״ב

    גמלתהו טוב ולא רע כל ימי חייה׃

  4. מִשְׁלֵי ל״א:י״ג

    דרשה צמר ופשתים ותעש בחפץ כפיה׃

  5. מִשְׁלֵי ל״א:י״ד

    היתה כאניות סוחר ממרחק תביא לחמה׃

  6. מִשְׁלֵי ל״א:ט״ו

    ותקם בעוד לילה ותתן טרף לביתה וחק לנערתיה׃

  7. מִשְׁלֵי ל״א:ט״ז

    זממה שדה ותקחהו מפרי כפיה נטע כרם׃

  8. מִשְׁלֵי ל״א:י״ז

    חגרה בעוז מתניה ותאמץ זרעותיה׃

  9. מִשְׁלֵי ל״א:י״ח

    טעמה כי טוב סחרה לא יכבה בליל נרה׃

  10. מִשְׁלֵי ל״א:י״ט

    ידיה שלחה בכישור וכפיה תמכו פלך׃

  11. מִשְׁלֵי ל״א:כ׳

    כפה פרשה לעני וידיה שלחה לאביון׃

  12. מִשְׁלֵי ל״א:כ״א

    לא תירא לביתה משלג כי כל ביתה לבש שנים׃

  13. מִשְׁלֵי ל״א:כ״ב

    מרבדים עשתה לה שש וארגמן לבושה׃

  14. מִשְׁלֵי ל״א:כ״ג

    נודע בשערים בעלה בשבתו עם זקני ארץ׃

  15. מִשְׁלֵי ל״א:כ״ד

    סדין עשתה ותמכר וחגור נתנה לכנעני׃

  16. מִשְׁלֵי ל״א:כ״ה

    עז והדר לבושה ותשחק ליום אחרון׃

  17. מִשְׁלֵי ל״א:כ״ו

    פיה פתחה בחכמה ותורת חסד על לשונה׃

  18. מִשְׁלֵי ל״א:כ״ז

    צופיה הליכות ביתה ולחם עצלות לא תאכל׃

  19. מִשְׁלֵי ל״א:כ״ח

    קמו בניה ויאשרוה בעלה ויהללה׃

  20. מִשְׁלֵי ל״א:כ״ט

    רבות בנות עשו חיל ואת עלית על כלנה׃

  21. מִשְׁלֵי ל״א:ל׳

    שקר החן והבל היפי אשה יראת יהוה היא תתהלל׃

  22. מִשְׁלֵי ל״א:ל״א

    תנו לה מפרי ידיה ויהללוה בשערים מעשיה׃