פסוקים על Pisgah

20 פסוקים · 4 היבטים

פסוקי מפתח

בְּמִדְבַּר כ״א:כ׳
ומבמות הגיא אשר בשדה מואב ראש הפסגה ונשקפה על פני הישימן׃
בְּמִדְבַּר כ״ג:י״ד
ויקחהו שדה צפים אל ראש הפסגה ויבן שבעה מזבחת ויעל פר ואיל במזבח׃
בְּמִדְבַּר כ״ג:ט״ו
ויאמר אל בלק התיצב כה על עלתך ואנכי אקרה כה׃
בְּמִדְבַּר כ״ג:ט״ז
ויקר יהוה אל בלעם וישם דבר בפיו ויאמר שוב אל בלק וכה תדבר׃
בְּמִדְבַּר כ״ג:י״ז
ויבא אליו והנו נצב על עלתו ושרי מואב אתו ויאמר לו בלק מה דבר יהוה׃
בְּמִדְבַּר כ״ג:י״ח
וישא משלו ויאמר קום בלק ושמע האזינה עדי בנו צפר׃
בְּמִדְבַּר כ״ג:י״ט
לא איש אל ויכזב ובן אדם ויתנחם ההוא אמר ולא יעשה ודבר ולא יקימנה׃
בְּמִדְבַּר כ״ג:כ׳
הנה ברך לקחתי וברך ולא אשיבנה׃
בְּמִדְבַּר כ״ג:כ״א
לא הביט און ביעקב ולא ראה עמל בישראל יהוה אלהיו עמו ותרועת מלך בו׃
בְּמִדְבַּר כ״ג:כ״ב
אל מוציאם ממצרים כתועפת ראם לו׃
בְּמִדְבַּר כ״ג:כ״ג
כי לא נחש ביעקב ולא קסם בישראל כעת יאמר ליעקב ולישראל מה פעל אל׃
בְּמִדְבַּר כ״ג:כ״ד
הן עם כלביא יקום וכארי יתנשא לא ישכב עד יאכל טרף ודם חללים ישתה׃
דְּבָרִים ג׳:י״ז
והערבה והירדן וגבל מכנרת ועד ים הערבה ים המלח תחת אשדת הפסגה מזרחה׃
דְּבָרִים ג׳:כ״ז
עלה ראש הפסגה ושא עיניך ימה וצפנה ותימנה ומזרחה וראה בעיניך כי לא תעבר את הירדן הזה׃
דְּבָרִים ד׳:מ״ט
וכל הערבה עבר הירדן מזרחה ועד ים הערבה תחת אשדת הפסגה׃
דְּבָרִים ל״ד:א׳
¶ ויעל משה מערבת מואב אל הר נבו ראש הפסגה אשר על פני ירחו ויראהו יהוה את כל הארץ את הגלעד עד דן׃
דְּבָרִים ל״ד:ב׳
ואת כל נפתלי ואת ארץ אפרים ומנשה ואת כל ארץ יהודה עד הים האחרון׃
דְּבָרִים ל״ד:ג׳
ואת הנגב ואת הככר בקעת ירחו עיר התמרים עד צער׃
דְּבָרִים ל״ד:ד׳
ויאמר יהוה אליו זאת הארץ אשר נשבעתי לאברהם ליצחק וליעקב לאמר לזרעך אתננה הראיתיך בעיניך ושמה לא תעבר׃
יְהוֹשֻעַ י״ב:ג׳
והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן תחת אשדות הפסגה׃