פסוקים על Persecution

ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃

ויקם מלך חדש על מצרים אשר לא ידע את יוסף׃

ויאמר אל עמו הנה עם בני ישראל רב ועצום ממנו׃

הבה נתחכמה לו פן ירבה והיה כי תקראנה מלחמה ונוסף גם הוא על שנאינו ונלחם בנו ועלה מן הארץ׃

וישימו עליו שרי מסים למען ענתו בסבלתם ויבן ערי מסכנות לפרעה את פתם ואת רעמסס׃

וכאשר יענו אתו כן ירבה וכן יפרץ ויקצו מפני בני ישראל׃

ויעבדו מצרים את בני ישראל בפרך׃

וימררו את חייהם בעבדה קשה בחמר ובלבנים ובכל עבדה בשדה את כל עבדתם אשר עבדו בהם בפרך׃

ויאמר למה זה אדני רדף אחרי עבדו כי מה עשיתי ומה בידי רעה׃

ותשלח איזבל מלאך אל אליהו לאמר כה יעשון אלהים וכה יוספון כי כעת מחר אשים את נפשך כנפש אחד מהם׃

ואמרת כה אמר המלך שימו את זה בית הכלא והאכילהו לחם לחץ ומים לחץ עד באי בשלום׃

¶ למה רגשו גוים ולאמים יהגו ריק׃

יתיצבו מלכי ארץ ורוזנים נוסדו יחד על יהוה ועל משיחו׃

ננתקה את מוסרותימו ונשליכה ממנו עבתימו׃

יושב בשמים ישחק אדני ילעג למו׃

אז ידבר אלימו באפו ובחרונו יבהלמו׃

¶ שגיון לדוד אשר שר ליהוה על דברי כוש בן ימיני יהוה אלהי בך חסיתי הושיעני מכל רדפי והצילני׃

ולו הכין כלי מות חציו לדלקים יפעל׃

בגאות רשע ידלק עני יתפשו במזמות זו חשבו׃

פן יאמר איבי יכלתיו צרי יגילו כי אמוט׃

¶ למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

אלהי אקרא יומם ולא תענה ולילה ולא דומיה לי׃

ואנכי תולעת ולא איש חרפת אדם ובזוי עם׃

כל ראי ילעגו לי יפטירו בשפה יניעו ראש׃

גל אל יהוה יפלטהו יצילהו כי חפץ בו׃