פסוקים על Nob

17 פסוקים · 7 היבטים

פסוקי מפתח

  1. 1 שְׁמוּאֵל כ״א:א׳

    ¶ ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואיש אין אתך׃

  2. 1 שְׁמוּאֵל כ״א:ב׳

    ויאמר דוד לאחימלך הכהן המלך צוני דבר ויאמר אלי איש אל ידע מאומה את הדבר אשר אנכי שלחך ואשר צויתך ואת הנערים יודעתי אל מקום פלני אלמוני׃

  3. 1 שְׁמוּאֵל כ״א:ג׳

    ועתה מה יש תחת ידך חמשה לחם תנה בידי או הנמצא׃

  4. 1 שְׁמוּאֵל כ״א:ד׳

    ויען הכהן את דוד ויאמר אין לחם חל אל תחת ידי כי אם לחם קדש יש אם נשמרו הנערים אך מאשה׃

  5. 1 שְׁמוּאֵל כ״א:ה׳

    ויען דוד את הכהן ויאמר לו כי אם אשה עצרה לנו כתמול שלשם בצאתי ויהיו כלי הנערים קדש והוא דרך חל ואף כי היום יקדש בכלי׃

  6. 1 שְׁמוּאֵל כ״א:ו׳

    ויתן לו הכהן קדש כי לא היה שם לחם כי אם לחם הפנים המוסרים מלפני יהוה לשום לחם חם ביום הלקחו׃

  7. 1 שְׁמוּאֵל כ״א:ז׳

    ושם איש מעבדי שאול ביום ההוא נעצר לפני יהוה ושמו דאג האדמי אביר הרעים אשר לשאול׃

  8. 1 שְׁמוּאֵל כ״א:ח׳

    ויאמר דוד לאחימלך ואין יש פה תחת ידך חנית או חרב כי גם חרבי וגם כלי לא לקחתי בידי כי היה דבר המלך נחוץ׃

  9. 1 שְׁמוּאֵל כ״א:ט׳

    ויאמר הכהן חרב גלית הפלשתי אשר הכית בעמק האלה הנה היא לוטה בשמלה אחרי האפוד אם אתה תקח לך קח כי אין אחרת זולתה בזה ויאמר דוד אין כמוה תננה לי׃

  10. 1 שְׁמוּאֵל כ״ב:ט׳

    ויען דאג האדמי והוא נצב על עבדי שאול ויאמר ראיתי את בן ישי בא נבה אל אחימלך בן אחטוב׃

  11. 1 שְׁמוּאֵל כ״ב:י׳

    וישאל לו ביהוה וצידה נתן לו ואת חרב גלית הפלשתי נתן לו׃

  12. 1 שְׁמוּאֵל כ״ב:י״א

    וישלח המלך לקרא את אחימלך בן אחיטוב הכהן ואת כל בית אביו הכהנים אשר בנב ויבאו כלם אל המלך׃

  13. 1 שְׁמוּאֵל כ״ב:י״ט

    ואת נב עיר הכהנים הכה לפי חרב מאיש ועד אשה מעולל ועד יונק ושור וחמור ושה לפי חרב׃

  14. 2 שְׁמוּאֵל כ״ב:י״ט

    יקדמני ביום אידי ויהי יהוה משען לי׃

  15. נחמיה י״א:ל״א

    ובני בנימן מגבע מכמש ועיה ובית אל ובנתיה׃

  16. נחמיה י״א:ל״ב

    ענתות נב ענניה׃

  17. יְשַׁעְיָהוּ י׳:ל״ב

    עוד היום בנב לעמד ינפף ידו הר בית ציון גבעת ירושלם׃