פסוקים על Meditation

ויצא יצחק לשוח בשדה לפנות ערב וישא עיניו וירא והנה גמלים באים׃

לא ימוש ספר התורה הזה מפיך והגית בו יומם ולילה למען תשמר לעשות ככל הכתוב בו כי אז תצליח את דרכך ואז תשכיל׃

כי אם בתורת יהוה חפצו ובתורתו יהגה יומם ולילה׃

רגזו ואל תחטאו אמרו בלבבכם על משכבכם ודמו סלה׃

יהיו לרצון אמרי פי והגיון לבי לפניך יהוה צורי וגאלי׃

חם לבי בקרבי בהגיגי תבער אש דברתי בלשוני׃

פי ידבר חכמות והגות לבי תבונות׃

כמו חלב ודשן תשבע נפשי ושפתי רננות יהלל פי׃

אם זכרתיך על יצועי באשמרות אהגה בך׃

הנה אלה רשעים ושלוי עולם השגו חיל׃

אך ריק זכיתי לבבי וארחץ בנקיון כפי׃

ואהי נגוע כל היום ותוכחתי לבקרים׃

אם אמרתי אספרה כמו הנה דור בניך בגדתי׃

ואחשבה לדעת זאת עמל היא בעיני׃

עד אבוא אל מקדשי אל אבינה לאחריתם׃

אך בחלקות תשית למו הפלתם למשואות׃

איך היו לשמה כרגע ספו תמו מן בלהות׃

כחלום מהקיץ אדני בעיר צלמם תבזה׃

כי יתחמץ לבבי וכליותי אשתונן׃

ואני בער ולא אדע בהמות הייתי עמך׃

ואמר חלותי היא שנות ימין עליון׃

אזכיר מעללי יה כי אזכרה מקדם פלאך׃

והגיתי בכל פעלך ובעלילותיך אשיחה׃

יערב עליו שיחי אנכי אשמח ביהוה׃

בלבי צפנתי אמרתך למען לא אחטא לך׃