פסוקים על Measures

וזה אשר תעשה אתה שלש מאות אמה ארך התבה חמשים אמה רחבה ושלשים אמה קומתה׃

צהר תעשה לתבה ואל אמה תכלנה מלמעלה ופתח התבה בצדה תשים תחתים שנים ושלשים תעשה׃

והעמר עשרית האיפה הוא׃

ועשית לו מסגרת טפח סביב ועשית זר זהב למסגרתו סביב׃

רבוע יהיה כפול זרת ארכו וזרת רחבו׃

ועשרן סלת בלול בשמן כתית רבע ההין ונסך רבעית ההין יין לכבש האחד׃

ואם לא תשיג ידו לשתי תרים או לשני בני יונה והביא את קרבנו אשר חטא עשירת האפה סלת לחטאת לא ישים עליה שמן ולא יתן עליה לבנה כי חטאת היא׃

וביום השמיני יקח שני כבשים תמימים וכבשה אחת בת שנתה תמימה ושלשה עשרנים סלת מנחה בלולה בשמן ולג אחד שמן׃

ולקח הכהן מלג השמן ויצק על כף הכהן השמאלית׃

לא תעשו עול במשפט במדה במשקל ובמשורה׃

כי רק עוג מלך הבשן נשאר מיתר הרפאים הנה ערשו ערש ברזל הלה הוא ברבת בני עמון תשע אמות ארכה וארבע אמות רחבה באמת איש׃

לא יהיה לך בביתך איפה ואיפה גדולה וקטנה׃

אבן שלמה וצדק יהיה לך איפה שלמה וצדק יהיה לך למען יאריכו ימיך על האדמה אשר יהוה אלהיך נתן לך׃

ויצא איש הבנים ממחנות פלשתים גלית שמו מגת גבהו שש אמות וזרת׃

ויך את מואב וימדדם בחבל השכב אותם ארצה וימדד שני חבלים להמית ומלא החבל להחיות ותהי מואב לדוד לעבדים נשאי מנחה׃

ויהי רעב גדול בשמרון והנה צרים עליה עד היות ראש חמור בשמנים כסף ורבע הקב חרייונים בחמשה כסף׃

וללחם המערכת ולסלת למנחה ולרקיקי המצות ולמחבת ולמרבכת ולכל משורה ומדה׃

אלהים הבין דרכה והוא ידע את מקומה׃

לעשות לרוח משקל ומים תכן במדה׃

הודיעני יהוה קצי ומדת ימי מה היא אדעה מה חדל אני׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

האכלתם לחם דמעה ותשקמו בדמעות שליש׃

אבן ואבן איפה ואיפה תועבת יהוה גם שניהם׃

כי עשרת צמדי כרם יעשו בת אחת וזרע חמר יעשה איפה׃

לכן הרחיבה שאול נפשה ופערה פיה לבלי חק וירד הדרה והמונה ושאונה ועלז בה׃