פסוקים על Mariner

36 פסוקים · 3 היבטים

פסוקי מפתח

סינון לפי ספר
  1. תְהִלִּים ק״ז:כ״ג

    יורדי הים באניות עשי מלאכה במים רבים׃

  2. תְהִלִּים ק״ז:כ״ד

    המה ראו מעשי יהוה ונפלאותיו במצולה׃

  3. תְהִלִּים ק״ז:כ״ה

    ויאמר ויעמד רוח סערה ותרומם גליו׃

  4. תְהִלִּים ק״ז:כ״ו

    יעלו שמים ירדו תהומות נפשם ברעה תתמוגג׃

  5. תְהִלִּים ק״ז:כ״ז

    יחוגו וינועו כשכור וכל חכמתם תתבלע׃

  6. תְהִלִּים ק״ז:כ״ח

    ויצעקו אל יהוה בצר להם וממצוקתיהם יוציאם׃

  7. תְהִלִּים ק״ז:כ״ט

    יקם סערה לדממה ויחשו גליהם׃

  8. תְהִלִּים ק״ז:ל׳

    וישמחו כי ישתקו וינחם אל מחוז חפצם׃

  9. מַעֲשֵׂי הַשְּׁלִיחִים כ״ז:י״ז

    ואחרי משכם אותה אליהם ויקחו לעזר את כל אשר השיגה ידם ויחשבו את דפני האניה ומיראתם פן יפלו אל בין רכסי החול הורידו את כלי המפרש וכה נדפו׃

  10. מַעֲשֵׂי הַשְּׁלִיחִים כ״ז:י״ח

    ויהי הסער הולך וסער עלינו וממחרת הטילו את המעמסה אל הים׃

  11. מַעֲשֵׂי הַשְּׁלִיחִים כ״ז:י״ט

    וביום השלישי הטלנו בידינו את כלי האניה אל הים׃

  12. מַעֲשֵׂי הַשְּׁלִיחִים כ״ז:כ׳

    ויהי ימים רבים גם השמש גם הכוכבים לא נראו והסערה חזקה עלינו עד מאד ותכרת ממנו כל תקות ישועה׃

  13. מַעֲשֵׂי הַשְּׁלִיחִים כ״ז:כ״א

    ופולוס עמד בתוכם אחרי האריכם בצום ויאמר אנשים לו שמעתם אלי ולא יצאתם מקריטי כי אז לא קרנו הנזק הזה במריכם׃

  14. מַעֲשֵׂי הַשְּׁלִיחִים כ״ז:כ״ב

    ועתה אני אמר אליכם חזקו ואמצו כי לא תאבד נפש מכם בלתי הספינה לבדה׃

  15. מַעֲשֵׂי הַשְּׁלִיחִים כ״ז:כ״ג

    כי בלילה הזה נצב עלי מלאך האלהים אשר לו אנכי ואשר אני עבד אתו׃

  16. מַעֲשֵׂי הַשְּׁלִיחִים כ״ז:כ״ד

    ויאמר אל תירא פולוס עליך עוד לעמד לפני הקיסר ועתה הנה נתן לך האלהים את כל ההלכים אתך באניה׃

  17. מַעֲשֵׂי הַשְּׁלִיחִים כ״ז:כ״ה

    על כן אנשים חזקו ואמצו כי מאמין אני לאלהים כי כן יהיה כאשר נאמר אלי׃

  18. מַעֲשֵׂי הַשְּׁלִיחִים כ״ז:כ״ו

    אך השלך נשלך אל אחד האיים׃

  19. מַעֲשֵׂי הַשְּׁלִיחִים כ״ז:כ״ז

    ויהי כבוא ליל ארבעה עשר לטלטולנו בים אדריה כחצות הלילה ויחשבו המלחים כי קרבה להם יבשת׃

  20. מַעֲשֵׂי הַשְּׁלִיחִים כ״ז:כ״ח

    ויורידו את האנך וימצאו עמק הים עשרים קומה ויעברו מעט ויוסיפו להוריד את האנך וימצאו קומות חמש עשרה׃

  21. מַעֲשֵׂי הַשְּׁלִיחִים כ״ז:כ״ט

    וייראו פן יפגעו בשני הסלעים וישליכו מעל אחורי האניה ארבעה עוגינים אל הים ויכספו לאור היום׃

  22. מַעֲשֵׂי הַשְּׁלִיחִים כ״ז:ל׳

    והמלחים בקשו לברח מן האניה ויורידו את העברה אל הים באמרם כי יש את נפשם לשלח עוגינים גם מראש האניה׃

  23. מַעֲשֵׂי הַשְּׁלִיחִים כ״ז:ל״א

    ויאמר פולוס אל שר המאה ואל אנשי הצבא לאמר אם אלה לא ישבו אתנו באניה לא תוכלו אתם להושע׃

  24. מַעֲשֵׂי הַשְּׁלִיחִים כ״ז:ל״ב

    ויקצצו אנשי הצבא את חבלי העברה ויתנוה לנפול׃

  25. מַעֲשֵׂי הַשְּׁלִיחִים כ״ז:ל״ג

    והבקר טרם יאור ופולוס מבקש מכלם לטעם לחם לאמר היום יום ארבעה עשר אשר חכיתם צמים ולא טעמתם מאומה׃