פסוקים על Idolatry

447 פסוקים · 205 היבטים

פסוקי מפתח

סינון לפי ספר
  1. יְחֶזְקֵאל י״ד:א׳

    ¶ ויבוא אלי אנשים מזקני ישראל וישבו לפני׃

  2. יְחֶזְקֵאל י״ד:ב׳

    ויהי דבר יהוה אלי לאמר׃

  3. יְחֶזְקֵאל י״ד:ג׳

    בן אדם האנשים האלה העלו גלוליהם על לבם ומכשול עונם נתנו נכח פניהם האדרש אדרש להם׃

  4. יְחֶזְקֵאל י״ד:ד׳

    לכן דבר אותם ואמרת אליהם כה אמר אדני יהוה איש איש מבית ישראל אשר יעלה את גלוליו אל לבו ומכשול עונו ישים נכח פניו ובא אל הנביא אני יהוה נעניתי לו בה ברב גלוליו׃

  5. יְחֶזְקֵאל י״ד:ה׳

    למען תפש את בית ישראל בלבם אשר נזרו מעלי בגלוליהם כלם׃

  6. יְחֶזְקֵאל י״ד:ו׳

    לכן אמר אל בית ישראל כה אמר אדני יהוה שובו והשיבו מעל גלוליכם ומעל כל תועבתיכם השיבו פניכם׃

  7. יְחֶזְקֵאל י״ד:ז׳

    כי איש איש מבית ישראל ומהגר אשר יגור בישראל וינזר מאחרי ויעל גלוליו אל לבו ומכשול עונו ישים נכח פניו ובא אל הנביא לדרש לו בי אני יהוה נענה לו בי׃

  8. יְחֶזְקֵאל י״ד:ח׳

    ונתתי פני באיש ההוא והשמתיהו לאות ולמשלים והכרתיו מתוך עמי וידעתם כי אני יהוה׃

  9. יְחֶזְקֵאל י״ד:ט׳

    והנביא כי יפתה ודבר דבר אני יהוה פתיתי את הנביא ההוא ונטיתי את ידי עליו והשמדתיו מתוך עמי ישראל׃

  10. יְחֶזְקֵאל י״ד:י׳

    ונשאו עונם כעון הדרש כעון הנביא יהיה׃

  11. יְחֶזְקֵאל י״ד:י״א

    למען לא יתעו עוד בית ישראל מאחרי ולא יטמאו עוד בכל פשעיהם והיו לי לעם ואני אהיה להם לאלהים נאם אדני יהוה׃

  12. יְחֶזְקֵאל י״ד:י״ב

    ויהי דבר יהוה אלי לאמר׃

  13. יְחֶזְקֵאל י״ד:י״ג

    בן אדם ארץ כי תחטא לי למעל מעל ונטיתי ידי עליה ושברתי לה מטה לחם והשלחתי בה רעב והכרתי ממנה אדם ובהמה׃

  14. יְחֶזְקֵאל י״ד:י״ד

    והיו שלשת האנשים האלה בתוכה נח דנאל ואיוב המה בצדקתם ינצלו נפשם נאם אדני יהוה׃

  15. יְחֶזְקֵאל ט״ז:כ״ח

    ותזני אל בני אשור מבלתי שבעתך ותזנים וגם לא שבעת׃

  16. יְחֶזְקֵאל ט״ז:כ״ט

    ותרבי את תזנותך אל ארץ כנען כשדימה וגם בזאת לא שבעת׃

  17. יְחֶזְקֵאל ט״ז:ל׳

    מה אמלה לבתך נאם אדני יהוה בעשותך את כל אלה מעשה אשה זונה שלטת׃

  18. יְחֶזְקֵאל י״ח:י״א

    והוא את כל אלה לא עשה כי גם אל ההרים אכל ואת אשת רעהו טמא׃

  19. יְחֶזְקֵאל י״ח:י״ב

    עני ואביון הונה גזלות גזל חבל לא ישיב ואל הגלולים נשא עיניו תועבה עשה׃

  20. יְחֶזְקֵאל כ״ג:ה׳

    ותזן אהלה תחתי ותעגב על מאהביה אל אשור קרובים׃

  21. יְחֶזְקֵאל כ״ג:ו׳

    לבשי תכלת פחות וסגנים בחורי חמד כלם פרשים רכבי סוסים׃

  22. יְחֶזְקֵאל כ״ג:ז׳

    ותתן תזנותיה עליהם מבחר בני אשור כלם ובכל אשר עגבה בכל גלוליהם נטמאה׃

  23. יְחֶזְקֵאל מ״ג:ז׳

    ויאמר אלי בן אדם את מקום כסאי ואת מקום כפות רגלי אשר אשכן שם בתוך בני ישראל לעולם ולא יטמאו עוד בית ישראל שם קדשי המה ומלכיהם בזנותם ובפגרי מלכיהם במותם׃

  24. יְחֶזְקֵאל מ״ג:ח׳

    בתתם ספם את ספי ומזוזתם אצל מזוזתי והקיר ביני וביניהם וטמאו את שם קדשי בתועבותם אשר עשו ואכל אתם באפי׃

  25. יְחֶזְקֵאל מ״ג:ט׳

    עתה ירחקו את זנותם ופגרי מלכיהם ממני ושכנתי בתוכם לעולם׃