פסוקים על Hadad

9 פסוקים · 2 היבטים

פסוקי מפתח

  1. 1 מְלָכִים י״א:י״ד

    ויקם יהוה שטן לשלמה את הדד האדמי מזרע המלך הוא באדום׃

  2. 1 מְלָכִים י״א:ט״ו

    ויהי בהיות דוד את אדום בעלות יואב שר הצבא לקבר את החללים ויך כל זכר באדום׃

  3. 1 מְלָכִים י״א:ט״ז

    כי ששת חדשים ישב שם יואב וכל ישראל עד הכרית כל זכר באדום׃

  4. 1 מְלָכִים י״א:י״ז

    ויברח אדד הוא ואנשים אדמיים מעבדי אביו אתו לבוא מצרים והדד נער קטן׃

  5. 1 מְלָכִים י״א:י״ח

    ויקמו ממדין ויבאו פארן ויקחו אנשים עמם מפארן ויבאו מצרים אל פרעה מלך מצרים ויתן לו בית ולחם אמר לו וארץ נתן לו׃

  6. 1 מְלָכִים י״א:י״ט

    וימצא הדד חן בעיני פרעה מאד ויתן לו אשה את אחות אשתו אחות תחפניס הגבירה׃

  7. 1 מְלָכִים י״א:כ׳

    ותלד לו אחות תחפניס את גנבת בנו ותגמלהו תחפנס בתוך בית פרעה ויהי גנבת בית פרעה בתוך בני פרעה׃

  8. 1 מְלָכִים י״א:כ״א

    והדד שמע במצרים כי שכב דוד עם אבתיו וכי מת יואב שר הצבא ויאמר הדד אל פרעה שלחני ואלך אל ארצי׃

  9. 1 מְלָכִים י״א:כ״ב

    ויאמר לו פרעה כי מה אתה חסר עמי והנך מבקש ללכת אל ארצך ויאמר לא כי שלח תשלחני׃