פסוקים על Goliath

13 פסוקים · 2 היבטים

פסוקי מפתח

  1. 2 שְׁמוּאֵל כ״א:ט״ו

    ותהי עוד מלחמה לפלשתים את ישראל וירד דוד ועבדיו עמו וילחמו את פלשתים ויעף דוד׃

  2. 2 שְׁמוּאֵל כ״א:ט״ז

    וישבו בנב אשר בילידי הרפה ומשקל קינו שלש מאות משקל נחשת והוא חגור חדשה ויאמר להכות את דוד׃

  3. 2 שְׁמוּאֵל כ״א:י״ז

    ויעזר לו אבישי בן צרויה ויך את הפלשתי וימיתהו אז נשבעו אנשי דוד לו לאמר לא תצא עוד אתנו למלחמה ולא תכבה את נר ישראל׃

  4. 2 שְׁמוּאֵל כ״א:י״ח

    ויהי אחרי כן ותהי עוד המלחמה בגוב עם פלשתים אז הכה סבכי החשתי את סף אשר בילדי הרפה׃

  5. 2 שְׁמוּאֵל כ״א:י״ט

    ותהי עוד המלחמה בגוב עם פלשתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃

  6. 2 שְׁמוּאֵל כ״א:כ׳

    ותהי עוד מלחמה בגת ויהי איש מדין ואצבעת ידיו ואצבעות רגליו שש ושש עשרים וארבע מספר וגם הוא ילד להרפה׃

  7. 2 שְׁמוּאֵל כ״א:כ״א

    ויחרף את ישראל ויכהו יהונתן בן שמעי אחי דוד׃

  8. 2 שְׁמוּאֵל כ״א:כ״ב

    את ארבעת אלה ילדו להרפה בגת ויפלו ביד דוד וביד עבדיו׃

  9. 1 דִּבְרֵי הַיָּמִים כ׳:ד׳

    ויהי אחריכן ותעמד מלחמה בגזר עם פלשתים אז הכה סבכי החשתי את ספי מילדי הרפאים ויכנעו׃

  10. 1 דִּבְרֵי הַיָּמִים כ׳:ה׳

    ותהי עוד מלחמה את פלשתים ויך אלחנן בן יעור את לחמי אחי גלית הגתי ועץ חניתו כמנור ארגים׃

  11. 1 דִּבְרֵי הַיָּמִים כ׳:ו׳

    ותהי עוד מלחמה בגת ויהי איש מדה ואצבעתיו שש ושש עשרים וארבע וגם הוא נולד להרפא׃

  12. 1 דִּבְרֵי הַיָּמִים כ׳:ז׳

    ויחרף את ישראל ויכהו יהונתן בן שמעא אחי דויד׃

  13. 1 דִּבְרֵי הַיָּמִים כ׳:ח׳

    אל נולדו להרפא בגת ויפלו ביד דויד וביד עבדיו׃