פסוקים על Formalism

לא על זבחיך אוכיחך ועולתיך לנגדי תמיד׃

לא אקח מביתך פר ממכלאתיך עתודים׃

כי לי כל חיתו יער בהמות בהררי אלף׃

ידעתי כל עוף הרים וזיז שדי עמדי׃

אם ארעב לא אמר לך כי לי תבל ומלאה׃

האוכל בשר אבירים ודם עתודים אשתה׃

זבח לאלהים תודה ושלם לעליון נדריך׃

וקראני ביום צרה אחלצך ותכבדני׃

כי לא תחפץ זבח ואתנה עולה לא תרצה׃

זבחי אלהים רוח נשברה לב נשבר ונדכה אלהים לא תבזה׃

אהללה שם אלהים בשיר ואגדלנו בתודה׃

ותיטב ליהוה משור פר מקרן מפריס׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

כי תבאו לראות פני מי בקש זאת מידכם רמס חצרי׃

לא תוסיפו הביא מנחת שוא קטרת תועבה היא לי חדש ושבת קרא מקרא לא אוכל און ועצרה׃

חדשיכם ומועדיכם שנאה נפשי היו עלי לטרח נלאיתי נשא׃

ובפרשכם כפיכם אעלים עיני מכם גם כי תרבו תפלה אינני שמע ידיכם דמים מלאו׃

ויאמר אדני יען כי נגש העם הזה בפיו ובשפתיו כבדוני ולבו רחק ממני ותהי יראתם אתי מצות אנשים מלמדה׃

לכן הנני יוסף להפליא את העם הזה הפלא ופלא ואבדה חכמת חכמיו ובינת נבניו תסתתר׃

הוי המעמיקים מיהוה לסתר עצה והיה במחשך מעשיהם ויאמרו מי ראנו ומי יודענו׃

הפככם אם כחמר היצר יחשב כי יאמר מעשה לעשהו לא עשני ויצר אמר ליוצרו לא הבין׃

שנאתי מאסתי חגיכם ולא אריח בעצרתיכם׃

כי אם תעלו לי עלות ומנחתיכם לא ארצה ושלם מריאיכם לא אביט׃

הסר מעלי המון שריך וזמרת נבליך לא אשמע׃

במה אקדם יהוה אכף לאלהי מרום האקדמנו בעולות בעגלים בני שנה׃