פסוקים על Doubting: Exemplified

74 פסוקים · 2 היבטים

פסוקים על Exemplified

סינון לפי ספר
  1. בְּרֵאשִׁית י״ב:י״ב

    והיה כי יראו אתך המצרים ואמרו אשתו זאת והרגו אתי ואתך יחיו׃

  2. בְּרֵאשִׁית י״ב:י״ג

    אמרי נא אחתי את למען ייטב לי בעבורך וחיתה נפשי בגללך׃

  3. בְּרֵאשִׁית י״ח:י״ב

    ותצחק שרה בקרבה לאמר אחרי בלתי היתה לי עדנה ואדני זקן׃

  4. בְּרֵאשִׁית י״ח:י״ג

    ויאמר יהוה אל אברהם למה זה צחקה שרה לאמר האף אמנם אלד ואני זקנתי׃

  5. בְּרֵאשִׁית י״ח:י״ד

    היפלא מיהוה דבר למועד אשוב אליך כעת חיה ולשרה בן׃

  6. שְׁמֹות ה׳:כ״ב

    וישב משה אל יהוה ויאמר אדני למה הרעתה לעם הזה למה זה שלחתני׃

  7. שְׁמֹות ה׳:כ״ג

    ומאז באתי אל פרעה לדבר בשמך הרע לעם הזה והצל לא הצלת את עמך׃

  8. שְׁמֹות י״ד:י׳

    ופרעה הקריב וישאו בני ישראל את עיניהם והנה מצרים נסע אחריהם וייראו מאד ויצעקו בני ישראל אל יהוה׃

  9. שְׁמֹות י״ד:י״א

    ויאמרו אל משה המבלי אין קברים במצרים לקחתנו למות במדבר מה זאת עשית לנו להוציאנו ממצרים׃

  10. שְׁמֹות י״ד:י״ב

    הלא זה הדבר אשר דברנו אליך במצרים לאמר חדל ממנו ונעבדה את מצרים כי טוב לנו עבד את מצרים ממתנו במדבר׃

  11. בְּמִדְבַּר י״א:כ״א

    ויאמר משה שש מאות אלף רגלי העם אשר אנכי בקרבו ואתה אמרת בשר אתן להם ואכלו חדש ימים׃

  12. בְּמִדְבַּר י״א:כ״ב

    הצאן ובקר ישחט להם ומצא להם אם את כל דגי הים יאסף להם ומצא להם׃

  13. 1 שְׁמוּאֵל ט״ז:א׳

    ¶ ויאמר יהוה אל שמואל עד מתי אתה מתאבל אל שאול ואני מאסתיו ממלך על ישראל מלא קרנך שמן ולך אשלחך אל ישי בית הלחמי כי ראיתי בבניו לי מלך׃

  14. 1 שְׁמוּאֵל ט״ז:ב׳

    ויאמר שמואל איך אלך ושמע שאול והרגני ויאמר יהוה עגלת בקר תקח בידך ואמרת לזבח ליהוה באתי׃

  15. 1 שְׁמוּאֵל כ״ב:ג׳

    וילך דוד משם מצפה מואב ויאמר אל מלך מואב יצא נא אבי ואמי אתכם עד אשר אדע מה יעשה לי אלהים׃

  16. 1 שְׁמוּאֵל כ״ב:ד׳

    וינחם את פני מלך מואב וישבו עמו כל ימי היות דוד במצודה׃

  17. 1 מְלָכִים י״ח:ז׳

    ויהי עבדיהו בדרך והנה אליהו לקראתו ויכרהו ויפל על פניו ויאמר האתה זה אדני אליהו׃

  18. 1 מְלָכִים י״ח:ח׳

    ויאמר לו אני לך אמר לאדניך הנה אליהו׃

  19. 1 מְלָכִים י״ח:ט׳

    ויאמר מה חטאתי כי אתה נתן את עבדך ביד אחאב להמיתני׃

  20. 1 מְלָכִים י״ח:י׳

    חי יהוה אלהיך אם יש גוי וממלכה אשר לא שלח אדני שם לבקשך ואמרו אין והשביע את הממלכה ואת הגוי כי לא ימצאכה׃

  21. 1 מְלָכִים י״ח:י״א

    ועתה אתה אמר לך אמר לאדניך הנה אליהו׃

  22. 1 מְלָכִים י״ח:י״ב

    והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃

  23. 1 מְלָכִים י״ח:י״ג

    הלא הגד לאדני את אשר עשיתי בהרג איזבל את נביאי יהוה ואחבא מנביאי יהוה מאה איש חמשים חמשים איש במערה ואכלכלם לחם ומים׃

  24. 1 מְלָכִים י״ח:י״ד

    ועתה אתה אמר לך אמר לאדניך הנה אליהו והרגני׃

  25. 1 מְלָכִים י״ט:י״ג

    ויהי כשמע אליהו וילט פניו באדרתו ויצא ויעמד פתח המערה והנה אליו קול ויאמר מה לך פה אליהו׃