פסוקים על Debir

25 פסוקים · 2 היבטים

פסוקי מפתח

יְהוֹשֻעַ י׳:ג׳
וישלח אדני צדק מלך ירושלם אל הוהם מלך חברון ואל פראם מלך ירמות ואל יפיע מלך לכיש ואל דביר מלך עגלון לאמר׃
יְהוֹשֻעַ י׳:ד׳
עלו אלי ועזרני ונכה את גבעון כי השלימה את יהושע ואת בני ישראל׃
יְהוֹשֻעַ י׳:ה׳
ויאספו ויעלו חמשת מלכי האמרי מלך ירושלם מלך חברון מלך ירמות מלך לכיש מלך עגלון הם וכל מחניהם ויחנו על גבעון וילחמו עליה׃
יְהוֹשֻעַ י׳:ו׳
וישלחו אנשי גבעון אל יהושע אל המחנה הגלגלה לאמר אל תרף ידיך מעבדיך עלה אלינו מהרה והושיעה לנו ועזרנו כי נקבצו אלינו כל מלכי האמרי ישבי ההר׃
יְהוֹשֻעַ י׳:ז׳
ויעל יהושע מן הגלגל הוא וכל עם המלחמה עמו וכל גבורי החיל׃
יְהוֹשֻעַ י׳:ח׳
ויאמר יהוה אל יהושע אל תירא מהם כי בידך נתתים לא יעמד איש מהם בפניך׃
יְהוֹשֻעַ י׳:ט׳
ויבא אליהם יהושע פתאם כל הלילה עלה מן הגלגל׃
יְהוֹשֻעַ י׳:י׳
ויהמם יהוה לפני ישראל ויכם מכה גדולה בגבעון וירדפם דרך מעלה בית חורן ויכם עד עזקה ועד מקדה׃
יְהוֹשֻעַ י׳:י״א
ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃
יְהוֹשֻעַ י׳:י״ב
אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃
יְהוֹשֻעַ י׳:י״ג
וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃
יְהוֹשֻעַ י׳:י״ד
ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃
יְהוֹשֻעַ י׳:ט״ו
וישב יהושע וכל ישראל עמו אל המחנה הגלגלה׃
יְהוֹשֻעַ י׳:ט״ז
וינסו חמשת המלכים האלה ויחבאו במערה במקדה׃
יְהוֹשֻעַ י׳:י״ז
ויגד ליהושע לאמר נמצאו חמשת המלכים נחבאים במערה במקדה׃
יְהוֹשֻעַ י׳:י״ח
ויאמר יהושע גלו אבנים גדלות אל פי המערה והפקידו עליה אנשים לשמרם׃
יְהוֹשֻעַ י׳:י״ט
ואתם אל תעמדו רדפו אחרי איביכם וזנבתם אותם אל תתנום לבוא אל עריהם כי נתנם יהוה אלהיכם בידכם׃
יְהוֹשֻעַ י׳:כ׳
ויהי ככלות יהושע ובני ישראל להכותם מכה גדולה מאד עד תמם והשרידים שרדו מהם ויבאו אל ערי המבצר׃
יְהוֹשֻעַ י׳:כ״א
וישבו כל העם אל המחנה אל יהושע מקדה בשלום לא חרץ לבני ישראל לאיש את לשנו׃
יְהוֹשֻעַ י׳:כ״ב
ויאמר יהושע פתחו את פי המערה והוציאו אלי את חמשת המלכים האלה מן המערה׃
יְהוֹשֻעַ י׳:כ״ג
ויעשו כן ויציאו אליו את חמשת המלכים האלה מן המערה את מלך ירושלם את מלך חברון את מלך ירמות את מלך לכיש את מלך עגלון׃
יְהוֹשֻעַ י׳:כ״ד
ויהי כהוציאם את המלכים האלה אל יהושע ויקרא יהושע אל כל איש ישראל ויאמר אל קציני אנשי המלחמה ההלכוא אתו קרבו שימו את רגליכם על צוארי המלכים האלה ויקרבו וישימו את רגליהם על צואריהם׃
יְהוֹשֻעַ י׳:כ״ה
ויאמר אליהם יהושע אל תיראו ואל תחתו חזקו ואמצו כי ככה יעשה יהוה לכל איביכם אשר אתם נלחמים אותם׃
יְהוֹשֻעַ י׳:כ״ו
ויכם יהושע אחרי כן וימיתם ויתלם על חמשה עצים ויהיו תלוים על העצים עד הערב׃
יְהוֹשֻעַ י׳:כ״ז
ויהי לעת בוא השמש צוה יהושע וירידום מעל העצים וישלכם אל המערה אשר נחבאו שם וישמו אבנים גדלות על פי המערה עד עצם היום הזה׃