פסוקים על Consolation Under Affliction

מענה אלהי קדם ומתחת זרעת עולם ויגרש מפניך אויב ויאמר השמד׃

ואני ידעתי גאלי חי ואחרון על עפר יקום׃

ואחר עורי נקפו זאת ומבשרי אחזה אלוה׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

כי אבי ואמי עזבוני ויהוה יאספני׃

זה עני קרא ויהוה שמע ומכל צרותיו הושיעו׃

יראו את יהוה קדשיו כי אין מחסור ליראיו׃

כפירים רשו ורעבו ודרשי יהוה לא יחסרו כל טוב׃

יהוה יסעדנו על ערש דוי כל משכבו הפכת בחליו׃

גם איש שלומי אשר בטחתי בו אוכל לחמי הגדיל עלי עקב׃

ואתה יהוה חנני והקימני ואשלמה להם׃

בזאת ידעתי כי חפצת בי כי לא יריע איבי עלי׃

ואני בתמי תמכת בי ותציבני לפניך לעולם׃

מה תשתוחחי נפשי ותהמי עלי הוחילי לאלהים כי עוד אודנו ישועות פניו׃

זבחי אלהים רוח נשברה לב נשבר ונדכה אלהים לא תבזה׃

חרפה שברה לבי ואנושה ואקוה לנוד ואין ולמנחמים ולא מצאתי׃

אל תשליכני לעת זקנה ככלות כחי אל תעזבני׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

תרב גדלתי ותסב תנחמני׃

ברב שרעפי בקרבי תנחומיך ישעשעו נפשי׃

זאת נחמתי בעניי כי אמרתך חיתני׃

יהי נא חסדך לנחמני כאמרתך לעבדך׃

כלו עיני לאמרתך לאמר מתי תנחמני׃

¶ ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃