פסוקים על Caleb

37 פסוקים · 9 היבטים

פסוקי מפתח

סינון לפי ספר
  1. יְהוֹשֻעַ י״ד:י׳

    ועתה הנה החיה יהוה אותי כאשר דבר זה ארבעים וחמש שנה מאז דבר יהוה את הדבר הזה אל משה אשר הלך ישראל במדבר ועתה הנה אנכי היום בן חמש ושמונים שנה׃

  2. יְהוֹשֻעַ י״ד:י״א

    עודני היום חזק כאשר ביום שלח אותי משה ככחי אז וככחי עתה למלחמה ולצאת ולבוא׃

  3. יְהוֹשֻעַ י״ד:י״ב

    ועתה תנה לי את ההר הזה אשר דבר יהוה ביום ההוא כי אתה שמעת ביום ההוא כי ענקים שם וערים גדלות בצרות אולי יהוה אותי והורשתים כאשר דבר יהוה׃

  4. יְהוֹשֻעַ י״ד:י״ג

    ויברכהו יהושע ויתן את חברון לכלב בן יפנה לנחלה׃

  5. יְהוֹשֻעַ י״ד:י״ד

    על כן היתה חברון לכלב בן יפנה הקנזי לנחלה עד היום הזה יען אשר מלא אחרי יהוה אלהי ישראל׃

  6. יְהוֹשֻעַ י״ד:ט״ו

    ושם חברון לפנים קרית ארבע האדם הגדול בענקים הוא והארץ שקטה ממלחמה׃

  7. יְהוֹשֻעַ ט״ו:י״ג

    ולכלב בן יפנה נתן חלק בתוך בני יהודה אל פי יהוה ליהושע את קרית ארבע אבי הענק היא חברון׃

  8. יְהוֹשֻעַ ט״ו:י״ד

    וירש משם כלב את שלושה בני הענק את ששי ואת אחימן ואת תלמי ילידי הענק׃

  9. יְהוֹשֻעַ ט״ו:ט״ו

    ויעל משם אל ישבי דבר ושם דבר לפנים קרית ספר׃

  10. יְהוֹשֻעַ ט״ו:ט״ז

    ויאמר כלב אשר יכה את קרית ספר ולכדה ונתתי לו את עכסה בתי לאשה׃

  11. שֹׁפְטִים א׳:י״א

    וילך משם אל יושבי דביר ושם דביר לפנים קרית ספר׃

  12. שֹׁפְטִים א׳:י״ב

    ויאמר כלב אשר יכה את קרית ספר ולכדה ונתתי לו את עכסה בתי לאשה׃