פסוקים על Bath-Sheba

34 פסוקים · 3 היבטים

פסוקי מפתח

סינון לפי ספר
  1. 1 מְלָכִים ב׳:י״ג

    ויבא אדניהו בן חגית אל בת שבע אם שלמה ותאמר השלום באך ויאמר שלום׃

  2. 1 מְלָכִים ב׳:י״ד

    ויאמר דבר לי אליך ותאמר דבר׃

  3. 1 מְלָכִים ב׳:ט״ו

    ויאמר את ידעת כי לי היתה המלוכה ועלי שמו כל ישראל פניהם למלך ותסב המלוכה ותהי לאחי כי מיהוה היתה לו׃

  4. 1 מְלָכִים ב׳:ט״ז

    ועתה שאלה אחת אנכי שאל מאתך אל תשבי את פני ותאמר אליו דבר׃

  5. 1 מְלָכִים ב׳:י״ז

    ויאמר אמרי נא לשלמה המלך כי לא ישיב את פניך ויתן לי את אבישג השונמית לאשה׃

  6. 1 מְלָכִים ב׳:י״ח

    ותאמר בת שבע טוב אנכי אדבר עליך אל המלך׃

  7. 1 מְלָכִים ב׳:י״ט

    ותבא בת שבע אל המלך שלמה לדבר לו על אדניהו ויקם המלך לקראתה וישתחו לה וישב על כסאו וישם כסא לאם המלך ותשב לימינו׃

  8. 1 מְלָכִים ב׳:כ׳

    ותאמר שאלה אחת קטנה אנכי שאלת מאתך אל תשב את פני ויאמר לה המלך שאלי אמי כי לא אשיב את פניך׃

  9. 1 מְלָכִים ב׳:כ״א

    ותאמר יתן את אבישג השנמית לאדניהו אחיך לאשה׃