פסוקים על Barzillai

12 פסוקים · 3 היבטים

פסוקי מפתח

  1. 2 שְׁמוּאֵל י״ז:כ״ז

    ויהי כבוא דוד מחנימה ושבי בן נחש מרבת בני עמון ומכיר בן עמיאל מלא דבר וברזלי הגלעדי מרגלים׃

  2. 2 שְׁמוּאֵל י״ז:כ״ח

    משכב וספות וכלי יוצר וחטים ושערים וקמח וקלי ופול ועדשים וקלי׃

  3. 2 שְׁמוּאֵל י״ז:כ״ט

    ודבש וחמאה וצאן ושפות בקר הגישו לדוד ולעם אשר אתו לאכול כי אמרו העם רעב ועיף וצמא במדבר׃

  4. 2 שְׁמוּאֵל י״ט:ל״א

    וברזלי הגלעדי ירד מרגלים ויעבר את המלך הירדן לשלחו את בירדן׃

  5. 2 שְׁמוּאֵל י״ט:ל״ב

    וברזלי זקן מאד בן שמנים שנה והוא כלכל את המלך בשיבתו במחנים כי איש גדול הוא מאד׃

  6. 2 שְׁמוּאֵל י״ט:ל״ג

    ויאמר המלך אל ברזלי אתה עבר אתי וכלכלתי אתך עמדי בירושלם׃

  7. 2 שְׁמוּאֵל י״ט:ל״ד

    ויאמר ברזלי אל המלך כמה ימי שני חיי כי אעלה את המלך ירושלם׃

  8. 2 שְׁמוּאֵל י״ט:ל״ה

    בן שמנים שנה אנכי היום האדע בין טוב לרע אם יטעם עבדך את אשר אכל ואת אשר אשתה אם אשמע עוד בקול שרים ושרות ולמה יהיה עבדך עוד למשא אל אדני המלך׃

  9. 2 שְׁמוּאֵל י״ט:ל״ו

    כמעט יעבר עבדך את הירדן את המלך ולמה יגמלני המלך הגמולה הזאת׃

  10. 2 שְׁמוּאֵל י״ט:ל״ז

    ישב נא עבדך ואמת בעירי עם קבר אבי ואמי והנה עבדך כמהם יעבר עם אדני המלך ועשה לו את אשר טוב בעיניך׃

  11. 2 שְׁמוּאֵל י״ט:ל״ח

    ויאמר המלך אתי יעבר כמהם ואני אעשה לו את הטוב בעיניך וכל אשר תבחר עלי אעשה לך׃

  12. 2 שְׁמוּאֵל י״ט:ל״ט

    ויעבר כל העם את הירדן והמלך עבר וישק המלך לברזלי ויברכהו וישב למקמו׃