פסוקים על Bartimeus

22 פסוקים · 1 היבט

פסוקי מפתח

מתיו כ׳:כ״ט
ויהי כצאתם מיריחו וילך אחריו המון עם רב׃
מתיו כ׳:ל׳
והנה שני עורים ישבים על יד הדרך וישמעו כי ישוע עבר ויצעקו לאמר חננו נא אדנינו בן דוד׃
מתיו כ׳:ל״א
ויגער בם העם להשתיקם והם הרבו לצעק ויאמרו אדנינו חננו נא בן דוד׃
מתיו כ׳:ל״ב
ויעמד ישוע ויקרא להם ויאמר מה תחפצו ואעשה לכם׃
מתיו כ׳:ל״ג
ויאמרו אליו אדנינו עשה שתפקחנה עינינו׃
מתיו כ׳:ל״ד
ורחמי ישוע נכמרו ויגע בעיניהם ופתאם החלו עיניהם לראות וילכו אחריו׃
סנט מארק י׳:מ״ו
ויבאו יריחו ויהי כצאתו מיריחו הוא ותלמידיו והמון עם רב והנה ברטימי בן טימי איש עור ישב על יד הדרך לשאל נדבות׃
סנט מארק י׳:מ״ז
וישמע כי הוא ישוע הנצרי ויחל לצעק ויאמר אנא בן דוד ישוע חנני׃
סנט מארק י׳:מ״ח
ויגערו בו רבים להשתיקו והוא הרבה לצעק בן דוד חנני׃
סנט מארק י׳:מ״ט
ויעמד ישוע ויאמר קראו לו ויקראו לעור ויאמרו אליו חזק קום קרא לך׃
סנט מארק י׳:נ׳
וישלך את שמלתו מעליו ויקם ויבא אל ישוע׃
סנט מארק י׳:נ״א
ויען ישוע ויאמר אליו מה חפצת ואעשה לך ויאמר אליו העור רבוני כי אראה׃
סנט מארק י׳:נ״ב
ויאמר ישוע אליו לך לך אמונתך הושיעה לך ופתאם ראה וילך אחרי ישוע בדרך׃
הבְּשׂוֹרָה הַקְּדוֹשָׁה עַל־פִּי לוּקָס י״ח:ל״ה
ויהי בקרבו אל יריחו והנה איש עור ישב על הדרך והוא משאל׃
הבְּשׂוֹרָה הַקְּדוֹשָׁה עַל־פִּי לוּקָס י״ח:ל״ו
וישמע את קול העם העבר וידרש לדעת מה זאת׃
הבְּשׂוֹרָה הַקְּדוֹשָׁה עַל־פִּי לוּקָס י״ח:ל״ז
ויגידו לו כי ישוע הנצרי עובר׃
הבְּשׂוֹרָה הַקְּדוֹשָׁה עַל־פִּי לוּקָס י״ח:ל״ח
ויצעק לאמר ישוע בן דוד חנני׃
הבְּשׂוֹרָה הַקְּדוֹשָׁה עַל־פִּי לוּקָס י״ח:ל״ט
וההלכים בראשנה גערו בו להחשתו והוא הרבה עוד לצעק ישוע בן דוד חנני׃
הבְּשׂוֹרָה הַקְּדוֹשָׁה עַל־פִּי לוּקָס י״ח:מ׳
ויעמד ישוע ויצו להביאו אליו ויהי כאשר קרב וישאלהו לאמר׃
הבְּשׂוֹרָה הַקְּדוֹשָׁה עַל־פִּי לוּקָס י״ח:מ״א
מה חפצך כי אעשה לך ויאמר אדני כי אראה׃
הבְּשׂוֹרָה הַקְּדוֹשָׁה עַל־פִּי לוּקָס י״ח:מ״ב
ויאמר אליו ראה אמונתך הושיעה לך׃
הבְּשׂוֹרָה הַקְּדוֹשָׁה עַל־פִּי לוּקָס י״ח:מ״ג
ופתאם ראה וילך אחריו הלך ושבח את האלהים וכל העם בראותם זאת נתנו תודה לאלהים׃