פסוקים על Astronomy

50 פסוקים · 2 היבטים

פסוקי מפתח

סינון לפי ספר
  1. יְהוֹשֻעַ י׳:י״ב

    אז ידבר יהושע ליהוה ביום תת יהוה את האמרי לפני בני ישראל ויאמר לעיני ישראל שמש בגבעון דום וירח בעמק אילון׃

  2. יְהוֹשֻעַ י׳:י״ג

    וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃

  3. יְהוֹשֻעַ י׳:י״ד

    ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃

  4. אִיּוֹב ט׳:ו׳

    המרגיז ארץ ממקומה ועמודיה יתפלצון׃

  5. אִיּוֹב ט׳:ז׳

    האמר לחרס ולא יזרח ובעד כוכבים יחתם׃

  6. אִיּוֹב ט׳:ח׳

    נטה שמים לבדו ודורך על במתי ים׃

  7. אִיּוֹב ט׳:ט׳

    עשה עש כסיל וכימה וחדרי תמן׃

  8. אִיּוֹב ל״ח:ל״א

    התקשר מעדנות כימה או משכות כסיל תפתח׃

  9. אִיּוֹב ל״ח:ל״ב

    התציא מזרות בעתו ועיש על בניה תנחם׃

  10. אִיּוֹב ל״ח:ל״ג

    הידעת חקות שמים אם תשים משטרו בארץ׃

  11. תְהִלִּים י״ט:א׳

    ¶ למנצח מזמור לדוד השמים מספרים כבוד אל ומעשה ידיו מגיד הרקיע׃

  12. תְהִלִּים י״ט:ב׳

    יום ליום יביע אמר ולילה ללילה יחוה דעת׃

  13. תְהִלִּים י״ט:ג׳

    אין אמר ואין דברים בלי נשמע קולם׃

  14. תְהִלִּים י״ט:ד׳

    בכל הארץ יצא קום ובקצה תבל מליהם לשמש שם אהל בהם׃

  15. תְהִלִּים י״ט:ה׳

    והוא כחתן יצא מחפתו ישיש כגבור לרוץ ארח׃

  16. תְהִלִּים י״ט:ו׳

    מקצה השמים מוצאו ותקופתו על קצותם ואין נסתר מחמתו׃

  17. תְהִלִּים קל״ו:ה׳

    לעשה השמים בתבונה כי לעולם חסדו׃

  18. תְהִלִּים קל״ו:ו׳

    לרקע הארץ על המים כי לעולם חסדו׃

  19. תְהִלִּים קל״ו:ז׳

    לעשה אורים גדלים כי לעולם חסדו׃

  20. תְהִלִּים קל״ו:ח׳

    את השמש לממשלת ביום כי לעולם חסדו׃

  21. תְהִלִּים קל״ו:ט׳

    את הירח וכוכבים לממשלות בלילה כי לעולם חסדו׃

  22. יִרְמְיָהוּ ל״א:ל״ה

    כה אמר יהוה נתן שמש לאור יומם חקת ירח וכוכבים לאור לילה רגע הים ויהמו גליו יהוה צבאות שמו׃

  23. יִרְמְיָהוּ ל״א:ל״ו

    אם ימשו החקים האלה מלפני נאם יהוה גם זרע ישראל ישבתו מהיות גוי לפני כל הימים׃

  24. יִרְמְיָהוּ ל״א:ל״ז

    כה אמר יהוה אם ימדו שמים מלמעלה ויחקרו מוסדי ארץ למטה גם אני אמאס בכל זרע ישראל על כל אשר עשו נאם יהוה׃

  25. יְחֶזְקֵאל ל״ב:ז׳

    וכסיתי בכבותך שמים והקדרתי את ככביהם שמש בענן אכסנו וירח לא יאיר אורו׃