פסוקים על Aliens: To be treated with justice

13 פסוקים · 13 היבטים

פסוקים על To be treated with justice

  1. שְׁמֹות כ״ב:כ״א

    וגר לא תונה ולא תלחצנו כי גרים הייתם בארץ מצרים׃

  2. שְׁמֹות כ״ג:ט׳

    וגר לא תלחץ ואתם ידעתם את נפש הגר כי גרים הייתם בארץ מצרים׃

  3. וַיִּקְרָא י״ט:ל״ג

    וכי יגור אתך גר בארצכם לא תונו אתו׃

  4. וַיִּקְרָא י״ט:ל״ד

    כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃

  5. דְּבָרִים א׳:ט״ז

    ואצוה את שפטיכם בעת ההוא לאמר שמע בין אחיכם ושפטתם צדק בין איש ובין אחיו ובין גרו׃

  6. דְּבָרִים י׳:י״ט

    ואהבתם את הגר כי גרים הייתם בארץ מצרים׃

  7. דְּבָרִים כ״ד:י״ד

    לא תעשק שכיר עני ואביון מאחיך או מגרך אשר בארצך בשעריך׃

  8. דְּבָרִים כ״ד:י״ז

    לא תטה משפט גר יתום ולא תחבל בגד אלמנה׃

  9. דְּבָרִים כ״ז:י״ט

    ארור מטה משפט גר יתום ואלמנה ואמר כל העם אמן׃

  10. יִרְמְיָהוּ ז׳:ו׳

    גר יתום ואלמנה לא תעשקו ודם נקי אל תשפכו במקום הזה ואחרי אלהים אחרים לא תלכו לרע לכם׃

  11. יִרְמְיָהוּ כ״ב:ג׳

    כה אמר יהוה עשו משפט וצדקה והצילו גזול מיד עשוק וגר יתום ואלמנה אל תנו אל תחמסו ודם נקי אל תשפכו במקום הזה׃

  12. יְחֶזְקֵאל כ״ב:כ״ט

    עם הארץ עשקו עשק וגזלו גזל ועני ואביון הונו ואת הגר עשקו בלא משפט׃

  13. מַלְאָכִי ג׳:ה׳

    וקרבתי אליכם למשפט והייתי עד ממהר במכשפים ובמנאפים ובנשבעים לשקר ובעשקי שכר שכיר אלמנה ויתום ומטי גר ולא יראוני אמר יהוה צבאות׃