Joram

19 פסוקים · 5 בני משפחה

ידוע גם בשם: Jehoram

פסוקים המזכירים את Joram

2 מְלָכִים א׳:י״ז
וימת כדבר יהוה אשר דבר אליהו וימלך יהורם תחתיו בשנת שתים ליהורם בן יהושפט מלך יהודה כי לא היה לו בן׃
2 מְלָכִים ג׳:א׳
¶ ויהורם בן אחאב מלך על ישראל בשמרון בשנת שמנה עשרה ליהושפט מלך יהודה וימלך שתים עשרה שנה׃
2 מְלָכִים ג׳:ו׳
ויצא המלך יהורם ביום ההוא משמרון ויפקד את כל ישראל׃
2 מְלָכִים ח׳:ט״ז
ובשנת חמש ליורם בן אחאב מלך ישראל ויהושפט מלך יהודה מלך יהורם בן יהושפט מלך יהודה׃
2 מְלָכִים ח׳:כ״ה
בשנת שתים עשרה שנה ליורם בן אחאב מלך ישראל מלך אחזיהו בן יהורם מלך יהודה׃
2 מְלָכִים ח׳:כ״ח
וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃
2 מְלָכִים ח׳:כ״ט
וישב יורם המלך להתרפא ביזרעאל מן המכים אשר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
2 מְלָכִים ט׳:י״ד
ויתקשר יהוא בן יהושפט בן נמשי אל יורם ויורם היה שמר ברמת גלעד הוא וכל ישראל מפני חזאל מלך ארם׃
2 מְלָכִים ט׳:ט״ו
וישב יהורם המלך להתרפא ביזרעאל מן המכים אשר יכהו ארמים בהלחמו את חזאל מלך ארם ויאמר יהוא אם יש נפשכם אל יצא פליט מן העיר ללכת לגיד ביזרעאל׃
2 מְלָכִים ט׳:ט״ז
וירכב יהוא וילך יזרעאלה כי יורם שכב שמה ואחזיה מלך יהודה ירד לראות את יורם׃
2 מְלָכִים ט׳:י״ז
והצפה עמד על המגדל ביזרעאל וירא את שפעת יהוא בבאו ויאמר שפעת אני ראה ויאמר יהורם קח רכב ושלח לקראתם ויאמר השלום׃
2 מְלָכִים ט׳:כ״א
ויאמר יהורם אסר ויאסר רכבו ויצא יהורם מלך ישראל ואחזיהו מלך יהודה איש ברכבו ויצאו לקראת יהוא וימצאהו בחלקת נבות היזרעאלי׃
2 מְלָכִים ט׳:כ״ב
ויהי כראות יהורם את יהוא ויאמר השלום יהוא ויאמר מה השלום עד זנוני איזבל אמך וכשפיה הרבים׃
2 מְלָכִים ט׳:כ״ג
ויהפך יהורם ידיו וינס ויאמר אל אחזיהו מרמה אחזיה׃
2 מְלָכִים ט׳:כ״ד
ויהוא מלא ידו בקשת ויך את יהורם בין זרעיו ויצא החצי מלבו ויכרע ברכבו׃
2 מְלָכִים ט׳:כ״ט
ובשנת אחת עשרה שנה ליורם בן אחאב מלך אחזיה על יהודה׃
2 דִּבְרֵי הַיָּמִים כ״ב:ה׳
גם בעצתם הלך וילך את יהורם בן אחאב מלך ישראל למלחמה על חזאל מלך ארם ברמות גלעד ויכו הרמים את יורם׃
2 דִּבְרֵי הַיָּמִים כ״ב:ו׳
וישב להתרפא ביזרעאל כי המכים אשר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃
2 דִּבְרֵי הַיָּמִים כ״ב:ז׳
ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשי אשר משחו יהוה להכרית את בית אחאב׃