פסוקים על Hazael

16 פסוקים · 4 היבטים

פסוקי מפתח

2 מְלָכִים ח׳:ח׳
ויאמר המלך אל חזהאל קח בידך מנחה ולך לקראת איש האלהים ודרשת את יהוה מאותו לאמר האחיה מחלי זה׃
2 מְלָכִים ח׳:ט׳
וילך חזאל לקראתו ויקח מנחה בידו וכל טוב דמשק משא ארבעים גמל ויבא ויעמד לפניו ויאמר בנך בן הדד מלך ארם שלחני אליך לאמר האחיה מחלי זה׃
2 מְלָכִים ח׳:י׳
ויאמר אליו אלישע לך אמר לא חיה תחיה והראני יהוה כי מות ימות׃
2 מְלָכִים ח׳:י״א
ויעמד את פניו וישם עד בש ויבך איש האלהים׃
2 מְלָכִים ח׳:י״ב
ויאמר חזאל מדוע אדני בכה ויאמר כי ידעתי את אשר תעשה לבני ישראל רעה מבצריהם תשלח באש ובחריהם בחרב תהרג ועלליהם תרטש והרתיהם תבקע׃
2 מְלָכִים ח׳:י״ג
ויאמר חזהאל כי מה עבדך הכלב כי יעשה הדבר הגדול הזה ויאמר אלישע הראני יהוה אתך מלך על ארם׃
2 מְלָכִים ח׳:י״ד
וילך מאת אלישע ויבא אל אדניו ויאמר לו מה אמר לך אלישע ויאמר אמר לי חיה תחיה׃
2 מְלָכִים ח׳:ט״ו
ויהי ממחרת ויקח המכבר ויטבל במים ויפרש על פניו וימת וימלך חזהאל תחתיו׃
2 מְלָכִים ח׳:כ״ח
וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃
2 מְלָכִים ח׳:כ״ט
וישב יורם המלך להתרפא ביזרעאל מן המכים אשר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
2 מְלָכִים י׳:ל״ב
בימים ההם החל יהוה לקצות בישראל ויכם חזאל בכל גבול ישראל׃
2 מְלָכִים י׳:ל״ג
מן הירדן מזרח השמש את כל ארץ הגלעד הגדי והראובני והמנשי מערער אשר על נחל ארנן והגלעד והבשן׃
2 מְלָכִים י״ב:י״ז
אז יעלה חזאל מלך ארם וילחם על גת וילכדה וישם חזאל פניו לעלות על ירושלם׃
2 מְלָכִים י״ב:י״ח
ויקח יהואש מלך יהודה את כל הקדשים אשר הקדישו יהושפט ויהורם ואחזיהו אבתיו מלכי יהודה ואת קדשיו ואת כל הזהב הנמצא באצרות בית יהוה ובית המלך וישלח לחזאל מלך ארם ויעל מעל ירושלם׃
2 דִּבְרֵי הַיָּמִים כ״ב:ה׳
גם בעצתם הלך וילך את יהורם בן אחאב מלך ישראל למלחמה על חזאל מלך ארם ברמות גלעד ויכו הרמים את יורם׃
2 דִּבְרֵי הַיָּמִים כ״ב:ו׳
וישב להתרפא ביזרעאל כי המכים אשר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃